ದೇಶ ವಿದೇಶದ ಅಂತಾರಾಷ್ತ್ರೀಯ ಚಿತ್ರೋತ್ಸವಗಳಲ್ಲಿ ಸಾಗರ್ ಪುರಾಣಿಕ್ 'ಡೊಳ್ಳು' ಸಿನಿಮಾ ಸದ್ದು

ಇಷ್ಟು ವರ್ಷ ಖ್ಯಾತನಾಮರ ಸಿನಿಮಾಗಳನ್ನು ನೋಡಲು ಪ್ರತಿಷ್ಟಿತ IFFI ಚಿತ್ರೋತ್ಸವದಲ್ಲಿ ಪಾಲ್ಗೊಳ್ಳುತ್ತಿದ್ದರು ಸಾಗರ್ ಪುರಾಣಿಕ್. ಅಲ್ಲಿ ತಮ್ಮದೂ ಸಿನಿಮಾ ತೆರೆ ಕಾಣಬೇಕು ಎಂದು ಆಸೆ ಪಡುತ್ತಿದ್ದ ಅಸಂಖ್ಯ ಫಿಲಂ ಮೇಕರ್ ಗಳಲ್ಲಿ ಸಾಗರ್ ಕೂಡಾ ಒಬ್ಬರು. ಈ ಬಾರಿ ಅವರ ಕೋರಿಕೆ ದೇವರನ್ನು ಮುಟ್ಟಿದೆ. 

Published: 07th November 2021 05:32 PM  |   Last Updated: 07th November 2021 05:32 PM   |  A+A-


Online Desk

ಬೆಂಗಳೂರು: ಕನ್ನಡದ ಉದಯೋನ್ಮುಖ ಫಿಲಂ ಮೇಕರ್ ಸಾಗರ್ ಪುರಾಣಿಕ್ ನಿರ್ದೇಶನದ, ಪವನ್ ಒಡೆಯರ್ ನಿರ್ಮಾಣದ ಡೊಳ್ಳು ಸಿನಿಮಾ ದೇಶ ವಿದೇಶದ ಅಂತಾರಾಷ್ಟ್ರೀಯ ಚಿತ್ರೋತ್ಸವಗಳ ಸುತ್ತು ಹಾಕುತ್ತಿದೆ. ಕನ್ನಡ ಚಿತ್ರವೊಂದು ದೇಶವಿದೇಶಗಳಲ್ಲಿ ಸದ್ದು ಮಾಡುತ್ತಿರುವ ಸಂತಸ ಒಂದೆಡೆಯಾದರೆ, ಕನ್ನಡ ನೆಲದ, ಇಲ್ಲಿನ ಸೊಗಡಿನ ಚಿತ್ರವೊಂದಕ್ಕೆ ಅಂತಾರಾಷ್ಟ್ರೀಯ ಮನ್ನಣೆ ದೊರೆಯುತ್ತಿದೆ ಎನ್ನುವ ಸಂತಸ ಮತ್ತೊಂದೆಡೆ. 

ಇದನ್ನೂ ಓದಿ: 52ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ; ಪನೋರಮಾ ವಿಭಾಗಕ್ಕೆ 4 ಕನ್ನಡ ಚಿತ್ರಗಳ ಆಯ್ಕೆ

ಸಾಗರ್ ಪುರಾಣಿಕ್, ನಿರ್ದೇಶಕ 

ಡೊಳ್ಳು ಸಿನಿಮಾ ಅಮೆರಿಕದ ಬಾಸ್ಟನ್ ನಗರಿಯಲ್ಲಿನ ಕಲೈಡೊಸ್ಕೋಪ್ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಅತ್ಯುತ್ತಮ ಭಾರತೀಯ ಸಿನಿಮಾ ಪ್ರಶಸ್ತಿ ಮತ್ತು ಅತ್ಯುತ್ತಮ ತಾಂತ್ರಿಕ ಸಿನಿಮಾ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದೆ.

ಅಮೆರಿಕದ ಡಲ್ಲಾಸ್- ನ್ಯೂಯಾರ್ಕ್ ನಗರದ ದಕ್ಷಿಣ ಏಷ್ಯಾ ಚಿತ್ರೋತ್ಸವಕ್ಕೂ ಅಧಿಕೃತವಾಗಿ ಆಯ್ಕೆಯಾಗಿದೆ. ಈ ಚಿತ್ರೋತ್ಸವ ಕೊರೊನಾ ಹಿನ್ನೆಲೆಯಲ್ಲಿ ವರ್ಚುವಲ್ ಆಗಿ ನಡೆಯುತ್ತಿದೆ. ಡೊಳ್ಳು ಸಿನಿಮಾ ಪ್ರತಿಷ್ಟಿತ ಧಾಕಾ ಅಂತಾರಾಷ್ಟ್ರೀಯ ಚಿತ್ರೋತ್ಸವಕ್ಕೂ ಅಧಿಕೃತವಾಗಿ ಆಯ್ಕೆಯಾಗಿದೆ. 

ಇದನ್ನೂ ಓದಿ: ಸ್ಯಾಂಡಲ್ವುಡ್: ಅಂತೂ ಇಂತೂ ಒಳ್ಳೆ ಬುದ್ಧಿ ಬಂತಾ? ಫ್ಯಾನ್ಸ್ ವಾರ್ ಗೆ ಫುಲ್ ಸ್ಟಾಪ್ ಇಟ್ಟ ಫ್ಯಾನ್ಸ್!

ಇಷ್ಟೇ ಅಲ್ಲದೆ ಯುರೋಪ್ ನ ಎರಡು ಚಿತ್ರೋತ್ಸವಕ್ಕೂ ಡೊಳ್ಳು ಸಿನಿಮಾವನ್ನು ಕಳುಹಿಸಿಕೊಡಲಾಗಿದ್ದು. ಅಲ್ಲಿಂದಲೂ ಸಿಹಿಸುದ್ದಿ ಬರುವ ನಿರೀಕ್ಷೆಯನ್ನು ಸಾಗರ್ ಹೊಂದಿದ್ದಾರೆ. ಕರುನಾಡಿನ ಜಾನಪದ ಕಲೆಯಾದ ಡೊಳ್ಳು ಕುಣಿತವನ್ನು ಆಧರಿಸಿದ ಈ ಸಿನಿಮಾಗೆ ಅಂತಾರಾಷ್ಟ್ರೀಯ ವೀಕ್ಷಕರು ಲಭ್ಯವಾಗುತ್ತಿರುವುದು ಕನ್ನಡಿಗರು ಹೆಮ್ಮೆ ತರುವ ವಿಚಾರ.   

ಗೋವಾದಲ್ಲಿ ನಡೆಯಲಿರುವ ಪ್ರತಿಷ್ಟಿತ 52ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ(IFFI) 4 ಕನ್ನಡ ಚಿತ್ರಗಳು ಆಯ್ಕೆಯಾಗಿವೆ. ಅದರಲ್ಲಿ ಡೊಳ್ಳು ಸಿನಿಮಾ ಕೂಡಾ ಒಂದು. ಗೋವಾದ IFFI ಚಿತ್ರೋತ್ಸವಕ್ಕೆ ದೇಶದಲ್ಲಿ ಮಾತ್ರವಲ್ಲದೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಒಳ್ಳೆಯ ಹೆಸರಿದೆ. 

ಇದನ್ನೂ ಓದಿ: 'ಟಾಮ್ ಅಂಡ್ ಜೆರ್ರಿ' ನಾಯಕಿ ಪಾತ್ರ ನಿಜಜೀವನದಲ್ಲಿ ನನ್ನನ್ನು ಹೋಲುತ್ತದೆ: ಚೈತ್ರಾ ರಾವ್

ಪವನ್ ಒಡೆಯರ್, ನಿರ್ಮಾಪಕ

IFFI ಅಲ್ಲಿ ತಮ್ಮ ಸಿನಿಮಾ ತೆರೆ ಕಾಣಬೇಕು ಎನ್ನುವುದು ಬಹಳಷ್ಟು ಫಿಲಂ ಮೇಕರ್ ಗಳು ಹಂಬಲಿಸುತ್ತಾರೆ. ಅಂಥವರಲ್ಲಿ ಸಾಗರ್ ಪುರಾಣಿಕ್ ಕೂಡಾ ಒಬ್ಬರಾಗಿದ್ದರು. ಇಷ್ಟು ವರ್ಷ ಸಿನಿಮಾಗಳನ್ನು ಅಲ್ಲಿ ಸೇರುವ ಸಿನಿಮಾಸಕ್ತರ ಕಾಣಲು ಸಾಗರ್ ಪುರಾಣಿಕ್ IFFIಗೆ ಹೋಗುತ್ತಿದ್ದರು. ಅಲ್ಲಿ ತಮ್ಮದು ಸಿನಿಮಾ ತೆರೆಕಾಣಬೇಕೆಂದು ಅವರು ಪಟ್ಟಿದ್ದ ಅಪೇಕ್ಷೆ ಈ ಬಾರಿ ನೆರವೇರುತ್ತಿದೆ.

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಗಲಿಕೆಯ ಆಘಾತದಿಂದ ಇನ್ನೂ ಹೊರಬರಲಾಗದೆ ಚಡಪಡಿಸುತ್ತಿರುವ ಸಾಗರ್ ಪುರಾಣಿಕ್ ಅಪ್ಪು ಅವರಿಗೆ ಸಂಬಂಧಿಸಿದಂತೆ ಈಡೇರದೆ ಉಳಿದು ಹೋದ ತಮ್ಮ ತಂಡದ ಆಸೆಯನ್ನು ಕನ್ನಡಪ್ರಭ ಆನ್ ಲೈನ್ ಜೊತೆ ಹಂಚಿಕೊಂಡಿದ್ದಾರೆ. 

ಇದನ್ನೂ ಓದಿ: ಅಪ್ಪು ಜೊತೆಗೆ ಕೊನೆಯದಾಗಿ ಹಾಡಿದ ವಿಡಿಯೋ ಹಂಚಿಕೊಂಡ ರಾಘಣ್ಣ! 

ಪುನೀತ್ ರಾಜಕುಮಾರ್ ಅವರ ಜೊತೆ ಎರಡು ಸಿನಿಮಾಗಳನ್ನು ನಿರ್ದೇಶಿಸಿರುವ ಡೊಳ್ಳು ನಿರ್ಮಾಪಕ ಪವನ್ ಒಡೆಯರ್, ಡೊಳ್ಳು ಸಿನಿಮಾದ ಟ್ರೇಲರ್ ಅನ್ನು ಪುನೀತ್ ಅವರಿಗೆ ತೋರಿಸುವ ಇರಾದೆ ಹೊಂದಿದ್ದರು. ಆದರೆ ಅಷ್ಟರೊಳಗೆ ಯಾರೂ ಊಹಿಸಿರದಿದ್ದ ಅನಾಹುತ ನಡೆದುಹೋಗಿದೆ. 

ಯಾವುದೇ ಅಜೆಂಡಾ ಇಲ್ಲದೆ ಹೃದಯದಿಂದ, ಒಲವಿನಿಂದ ತಮ್ಮ ಹಾಗೂ ಪವನ್ ಒಡೆಯರ್  ಸಾರಥ್ಯದಲ್ಲಿ ಮೂಡಿ ಬಂಡಿರುವ ಡೊಳ್ಳು ಸಿನಿಮಾ ಕಂಡು ಪುನೀತ್ ಖಂಡಿತ ಖುಷಿಪಡುತ್ತಿದ್ದರು ಎಂದು ಸಾಗರ್ ಮೌನವಾಗುತ್ತಾರೆ. 

ಇದನ್ನೂ ಓದಿ: ಕನ್ನಡದ 'ಯುವರತ್ನ' ಮರೆಯಾಗಿ ಒಂದು ವಾರವಾದರೂ ನಿಲ್ಲದ ಅಭಿಮಾನಿಗಳ ಶೋಕ: ಅಪ್ಪು ಸಮಾಧಿಗೆ ಹರಿದು ಬರುತ್ತಿದೆ ಜನಸಾಗರ


Stay up to date on all the latest ಸಿನಿಮಾ ಸುದ್ದಿ news
Poll
Omicron-Covid-variant

ಭಾರತದಲ್ಲಿ ಕೋವಿಡ್‌ನಿಂದ 4.7 ಮಿಲಿಯನ್ ಜನರು ಸಾವನ್ನಪ್ಪಿದ್ದಾರೆ ಎಂಬ WHO ವರದಿ ಮತ್ತು ಅಂಕಿಅಂಶಗಳನ್ನು ನೀವು ಒಪ್ಪುತ್ತೀರಾ?


Result
ಹೌದು, ಒಪ್ಪಬಹುದು
ಇಲ್ಲ, ಒಪ್ಪಲಾಗದು

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp