ನನ್ನ ಕಥೆಗೆ ಒಬ್ಬ ಸ್ಟಾರ್ ನಟ ಸರಿ ಹೊಂದುತ್ತಿರಲಿಲ್ಲ: ನಿರ್ದೇಶಕ ಅಭಿ

ನಿರ್ದೇಶನಕ್ಕೆ ಕಾಲಿಡಬೇಕೆನ್ನುವುದು ನನ್ನ ಬಹುದಿನದ ಕನಸಾಗಿತ್ತು. ಅನುಭವಿ ನಿರ್ದೇಶಕ ಸೂರಿ ಅವರಿಂದ ವರ್ಷಗಳ ಕಲಿಕೆಯಿಂದ ನಿರ್ದೇಶನದ ಆಳ-ಅಗಲ ಮೈಗೂಡಿಸಿಕೊಂಡೆ. ಒಂಬತ್ತು ವರ್ಷಗಳ ಕಾಲ ನಾನು ಸೂರಿ ಅವರೊಂದಿಗೆ ಒಡನಾಟ ಇಟ್ಟುಕೊಂಡಿದ್ದೆ. ನಾವು ನಟನೆಯ ಪರಿಪಕ್ವತೆ ಇಲ್ಲದವರನ್ನು ಚಿತ್ರದಲ್ಲಿ ನಟಿಸುವಂತೆ ಮಾಡಬಹುದು ಎಂಬುದಾಗಿ ಚೊಚ್ಚಲ ನಿರ್ದೇಶನಕ್ಕೆ ಕೈಹಾಕಿರುವ ಅಭಿ ಹೇಳಿಕೊಂಡಿದ್ದಾರೆ.

ಸೋಮು ಸೌಂಡ್ ಇಂಜಿನಿಯರ್ ಅಭಿ ನಿರ್ದೇಶನದ ಚೊಚ್ಚಲ ಚಿತ್ರವಾಗಿದೆ. ಮಾರ್ಚ್ 15ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಇದು ಅವರ ನಿರ್ದೇಶನದ ಪ್ರಯಾಣದ ಪ್ರಾರಂಭವನ್ನು ಸೂಚಿಸುತ್ತದೆ. ನಾವು ಕಥೆಗಳನ್ನು ಬರೆಯಬಹುದು. ಆದರೆ ಅದನ್ನು ಎಕ್ಸಿಕ್ಯೂಟ್ ಮಾಡುವ ರೀತಿ ಮತ್ತು ಅದನ್ನು ತೆರೆಗೆ ತರುವ ಕಲೆಯನ್ನು ನಿರ್ದೇಶಕ ಸೂರಿಯಿಂದ ಕಲಿಯಬೇಕು. ಅವರು ಚಿತ್ರಕಥೆಯನ್ನು ನಿಭಾಯಿಸಿದ ರೀತಿ ಮತ್ತು ಪ್ರತಿ ಪಾತ್ರಕ್ಕೂ ಪ್ರಾಮುಖ್ಯತೆ ನೀಡಿದ ರೀತಿ ನನಗೆ ಅಚ್ಚುಮೆಚ್ಚು. ಸೂರಿ ಅವರು ಕಥೆ ಹೇಳುವ ವಿಧಾನ ನಿಜಕ್ಕೂ ವಾಸ್ತವಕ್ಕೆ ಹತ್ತಿರವಾಗಿರುತ್ತದೆ ಎಂದು ಅಭಿ ವಿವರಿಸಿದರು.

ಸೂರಿಯ ಕಥೆ ಹೇಳುವ ಶೈಲಿಯಿಂದ ಸ್ಫೂರ್ತಿ ಪಡೆದ ಅಭಿ, ಅದೇ ವಿಶಿಷ್ಟತೆಯನ್ನು ತನ್ನ ಮೊದಲ ಯೋಜನೆಗೆ ಅದೇ ಸೂಕ್ಷ್ಮ ಮತ್ತು ಆಳದೊಂದಿಗೆ ತರಲು ಪ್ರಯತ್ನಿಸಿದ್ದಾರೆ. ನೇರವಾದ ನಿರೂಪಣೆಯೊಂದಿಗೆ ಕುತೂಹಲವನ್ನು ಹುಟ್ಟಿಸುವುದು ನಾನು ಸೋಮು ಸೌಂಡ್ ಇಂಜಿನಿಯರ್ ಚಿತ್ರದಲ್ಲಿ ಅಳವಡಿಸಿಕೊಂಡಿದ್ದೇನೆ ಎಂದು ಹೇಳಿದರು.

ನನ್ನ ಕಥೆಗೆ ಒಬ್ಬ ಸ್ಟಾರ್ ಅಥವಾ ಈಗಾಗಲೆ ಹೆಸರು ಮಾಡಿದ ನಟ ಸರಿಹೊಂದುವುದಿಲ್ಲ. ಹೀಗಾಗಿ ನಾನು ಹೊಸಬರನ್ನು ಆರಿಸಿಕೊಂಡಿದ್ದೇನೆ. ಏಕೆಂದರೆ ಅದು ಪ್ರೇಕ್ಷಕರಿಗೆ ಪಾತ್ರದೊಂದಿಗೆ ಆಳವಾದ ಮಟ್ಟದಲ್ಲಿ ಸಂಪರ್ಕ ಸಾಧಿಸಲು ಅನುವು ಮಾಡಿಕೊಡುತ್ತದೆ ಎಂದು ಅಭಿ ಹೇಳಿದರು.

ಕ್ರಿಸ್ಟೋಫರ್ ಕಿಣಿ ನಿರ್ಮಿಸುತ್ತಿರುವ ಚಿತ್ರದಲ್ಲಿ ಶ್ರೇಷ್ಠಾ ಜೊತೆಗೆ ನಿವಿಷ್ಕಾ ಪಾಟೀಲ್, ಚಂದನ ಗೌಡ ಮತ್ತು ಗಿರೀಶ್ ಜತ್ತಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ನಾವು ರಂಗಭೂಮಿ ಹಿನ್ನೆಲೆಯಿಂದ ಬಂದ ನಟರನ್ನು ಕರೆತಂದಿದ್ದೇವೆ. ವಿಶೇಷವಾಗಿ ಉತ್ತರ ಕರ್ನಾಟಕದ ಸಾರವನ್ನು ಅರ್ಥಮಾಡಿಕೊಂಡಿದ್ದೇವೆ ಎಂದು ಅವರು ಹೇಳಿದರು.

ಮಾಸ್ತಿಯವರ ಸಂಭಾಷಣೆ, ದೀಪು ಎಸ್ ಕುಮಾರ್ ಅವರ ಸಂಕಲನ ಮತ್ತು ಚರಣ್ ರಾಜ್ ಅವರ ಸಂಗೀತ ಸಂಯೋಜನೆಯಲ್ಲಿ ಸೋಮು ಸೌಂಡ್ ಇಂಜಿನಿಯರ್ ಚಿತ್ರ ಪ್ರವೀಣ ತಾಂತ್ರಿಕ ತಂಡವನ್ನು ಹೊಂದಿದೆ.