ಶ್ರೀನಿಧಿ ಬೆಂಗಳೂರು ನಿರ್ದೇಶನದ ವೆಬ್ ಸರಣಿ 'ಜೆರಾಕ್ಸ್'ನಲ್ಲಿ ನಟ ಡಾಲಿ ಧನಂಜಯ್; ಒಟಿಟಿಗೆ ಎಂಟ್ರಿ!

ನಟ-ನಿರ್ಮಾಪಕ ಡಾಲಿ ಧನಂಜಯ್ ಮೊದಲ ಬಾರಿಗೆ 'ಜೆರಾಕ್ಸ್' ಎಂದ ಸರಣಿಯೊಂದಿಗೆ ಒಟಿಟಿ ಕ್ಷೇತ್ರಕ್ಕೆ ಪದಾರ್ಪಣೆ ಮಾಡುತ್ತಿದ್ದು, ಈ ಸರಣಿ ZEE5 ಕನ್ನಡದಲ್ಲಿ ಸ್ಟ್ರೀಮ್ ಆಗಲಿದೆ. ತಮ್ಮ ಬ್ಯಾನರ್ ಡಾಲಿ ಪಿಕ್ಚರ್ಸ್ ಅಡಿಯಲ್ಲಿ ವೆಬ್ ಸರಣಿಯನ್ನು ನಿರ್ಮಿಸುವ ಮತ್ತು ನಟಿಸುವ ಮೂಲಕ ಅವರು ತಮ್ಮ ವೃತ್ತಿಜೀವನವನ್ನು ಚಲನಚಿತ್ರಗಳನ್ನು ಮೀರಿ ವಿಸ್ತರಿಸುತ್ತಿದ್ದಾರೆ. ಈ ಸರಣಿ ಫ್ಯಾಂಟಸಿ, ಕಾಮಿಡಿ ಮತ್ತು ಥ್ರಿಲ್ಲರ್ ಅಂಶಗಳ ಜೊತೆಗೆ ಬಲವಾದ ಪ್ರಾದೇಶಿಕ ಪರಿಮಳವನ್ನು ಸೇರಿಸಲಿದೆ.

ಶ್ರೀನಿಧಿ ಬೆಂಗಳೂರು ಅವರು ಜೆರಾಕ್ಸ್ ಮೂಲಕ ಬರಹಗಾರ ಮತ್ತು ನಿರ್ದೇಶಕರಾಗಿ ಒಟಿಟಿ ಸ್ವರೂಪದಲ್ಲಿ ತಮ್ಮ ಚೊಚ್ಚಲ ನಿರ್ದೇಶನ ಮಾಡಲಿದ್ದಾರೆ. ಚೊಚ್ಚಲ 'ಬ್ಲಿಂಕ್' ಚಿತ್ರದ ಮೂಲಕ ಗಮನ ಸೆಳೆದ ನಂತರ ಶ್ರೀನಿಧಿ, ಕನ್ನಡದ ವಿಶಿಷ್ಟ ಸನ್ನಿವೇಶದಲ್ಲಿ ಬೇರೂರಿರುವ ಗಾಢ ಹಾಸ್ಯ, ಫ್ಯಾಂಟಸಿ ಮತ್ತು ಸಸ್ಪೆನ್ಸ್ ಒಳಗೊಂಡಿರುವ ಸರಣಿಯನ್ನು ನಿರ್ದೇಶಿಸಲಿದ್ದಾರೆ.

'OTT ನಾನು ಸ್ವಲ್ಪ ದಿನಗಳಿಂದ ಅನ್ವೇಷಿಸಲು ಬಯಸುತ್ತಿದ್ದ ಸ್ಥಳ. ಆದರೆ, ಅದು ಸರಿಯಾದ ಕಥೆ ಮತ್ತು ಸರಿಯಾದ ಪಾಲುದಾರರೊಂದಿಗೆ ಇರಬೇಕಾಗಿತ್ತು. ZEE5ಗೆ ಸರಣಿ ನಿರ್ಮಾಣ ಮಾಡಲು ನನ್ನನ್ನು ಆಕರ್ಷಿಸಿದ್ದು ಅದರ ಸ್ಥಳೀಯ ವಿಷಯಗಳನ್ನು ಬೆಂಬಲಿಸುವ ಉದ್ದೇಶವೇ ಹೊರತು ದುರ್ಬಲಗೊಳಿಸುವುದಲ್ಲ. ಜೆರಾಕ್ಸ್ ನಮಗೆ ಸಿನೆಮಾದಲ್ಲಿ ಸಾಧ್ಯವಾಗದ ಪ್ರಕಾರವೊಂದನ್ನು ಅನ್ವೇಷಿಸಲು ಅನುವು ಮಾಡಿಕೊಡುತ್ತದೆ' ಎಂದು ಧನಂಜಯ್ ಹೇಳುತ್ತಾರೆ.

'ನಮ್ಮ ಸಾಂಸ್ಕೃತಿಕ ವಿಚಾರಗಳಲ್ಲಿ ಬೇರೂರಿರುವ ನಿರೂಪಣೆಯೊಳಗೆ ಡಾರ್ಕ್ ಹಾಸ್ಯ, ಫ್ಯಾಂಟಸಿ ಮತ್ತು ಸಸ್ಪೆನ್ಸ್ ಅನ್ನು ಅನ್ವೇಷಿಸಲು ಜೆರಾಕ್ಸ್ ಅವಕಾಶ ನೀಡುತ್ತದೆ' ಎಂದು ಶ್ರೀನಿಧಿ ಹೇಳುತ್ತಾರೆ.