ಹೈದರಾಬಾದ್: ಅಂತೂ ಐಪಿಎಲ್ 9ರ ಆವೃತ್ತಿಯಲ್ಲಿ ಸ್ಟಾರ್ ಆಲ್ ರೌಂಡರ್ ಯುವರಾಜ್ ಸಿಂಗ್ ಸನ್ ರೈಸರ್ಸ್ ಹೈದರಾಬಾದ್ ಪರ ಕಣಕ್ಕಿಳಿದಿದ್ದು, ಯುವರಾಜ್ ಗೆ ಸನ್ ರೈಸರ್ಸ್ ಗೆಲುವಿನ ಸಿಹಿ ನೀಡಿದೆ.
ಹೈದರಾಬಾದ್ ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಗುಜರಾತ್ ಲಯನ್ಸ್ ನಿಗದಿತ ಓವರ್ ನಲ್ಲಿ 6 ವಿಕೆಟ್ ನಷ್ಟಕ್ಕೆ 126 ರನ್ ಗಳಿಸಿತು. ಸಾಧಾರಣ ಮೊತ್ತ ಬೆನ್ನಟ್ಟಿದ ಹೈದರಾಬಾದ್ ಇನ್ನು ಒಂದು ಓವರ್ ಬಾಕಿ ಇರುವಂತೆ ಗುರಿ ಬೆನ್ನಟ್ಟಿತು. ಶಿಖರ್ ಧವನ್ 47 ರನ್ ಗಳ ಕೊಡುಗೆಯಿಂದಾಗಿ 5 ವಿಕೆಟ್ ನಷ್ಟಕ್ಕೆ 129 ರನ್ ಗಳಿಸಿ 5 ವಿಕೆಟ್ ಗಳಿಂದ ಜಯ ಗಳಿಸಿತು.
ಗುಜರಾತ್ ಪರ ಸ್ಮಿತ್ 1, ಬ್ರೆಂಡಮ್ ಮೆಕ್ಕಲಮ್ 7, ಸುರೇಶ್ ರೈನಾ 20, ಕಾರ್ತಿಕ್ 0, ಬ್ರಾವೋ 18, ಜಡೇಜಾ 18, ಫಿಂಚ್ ಅಜೇಯ 51 ಹಾಗೂ ಪ್ರವಿಣ್ ಕುಮಾರ್ 6 ರನ್ ಗಳಿಸಿದ್ದಾರೆ.
ಹೈದರಾಬಾದ್ ಪರ ಭುವನೇಶ್ವರ್ ಕುಮಾರ್, ರೆಹಮಾನ್ ತಲಾ 2 ವಿಕೆಟ್ ಪಡೆದಿರೆ, ಸ್ರಾನ್ ಹಾಗೂ ಹೆನ್ರಿಕ್ಸ್ ತಲಾ ಒಂದು ವಿಕೆಟ್ ಪಡೆದಿದ್ದಾರೆ.
ಹೈದರಾಬಾದ್ ಪರ ಡೇವಿಡ್ ವಾರ್ನರ್ 24, ಶಿಖರ್ ಧವನ್ ಅಜೇಯ 47, ವಿಲಿಯಮ್ಸನ್ 6, ಹೆನ್ರಿಕ್ಸ್ 14, ಯುವರಾಜ್ ಸಿಂಗ್ 5, ಹೂಡಾ 18 ನಮನ್ ಓಜಾ ಅಜೇಯ 9 ರನ್ ಗಳಿಸಿದ್ದಾರೆ.
