ಮೊಹಾಲಿ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಎಬಿಡಿ ವಿಲಿಯರ್ಸ್ ಅಬ್ಬರದ ಬ್ಯಾಟಿಂಗ್ ಮತ್ತು ಶೇನ್ ವಾಟ್ಸನ್ ಬೌಲಿಂಗ್ ದಾಳಿಗೆ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ತತ್ತರಿಸಿದ್ದು, 1 ರನ್ ನಿಂದ ಆರ್ಸಿಬಿಗೆ ಶರಣಾಗಿದೆ.
ಮೊಹಾಲಿಯ ಪಂಬಾಜ್ ಕ್ರಿಕೆಟ್ ಅಸೋಶಿಯೇಷನ್ ಐಎಸ್ ಬಿಂದ್ರಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಕಿಂಗ್ಸ್ ಇಲೆವೆನ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇದರೊಂದಿಗೆ ಮೊದಲು ಬ್ಯಾಟಿಂಗ್ ಮಾಡಿ ಆರ್ಸಿಬಿ ನಿಗದಿತ ಓವರ್ ನಲ್ಲಿ 6 ವಿಕೆಟ್ ನಷ್ಟಕ್ಕೆ 175 ರನ್ ಗಳಿಸಿತು. ಈ ಮೊತ್ತವನ್ನು ಬೆನ್ನಟ್ಟಿದ ಕಿಂಗ್ಸ್ ಇಲೆವೆನ್ ಅತ್ಯುತ್ತಮ ಪ್ರದರ್ಶನ ನೀಡಿದರು ನಿಗದಿತ ಓವರ್ ನಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 174 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಆರ್ಸಿಬಿ 1 ರನ್ ಗಳ ರೋಚಕ ಜಯ ದಾಖಲಿಸಿತು.
ಕಿಂಗ್ಸ್ ಪರ ಆಶೀಮ್ ಆಮ್ಲಾ 21, ಮುರಳಿ ವಿಜಯ್ 89, ಸಾಹಾ 16, ಡೇವಿಡ್ ಮಿಲ್ಲರ್ 0, ಸ್ಟೈನಿಸ್ ಅಜೇಯ 34, ಬೆಹರ್ಡಿನ್ 9 ರನ್ ಗಳಿಸಿದ್ದಾರೆ.
ಆರ್ಸಿಬಿ ಪರ ಶೇನ್ ವಾಟ್ಸನ್ 2, ಚಾಹಾಲ್ 1 ವಿಕೆಟ್ ಪಡೆದಿದ್ದಾರೆ.
ಆರ್ಸಿಬಿ ಪರ ವಿರಾಟ್ ಕೊಹ್ಲಿ 20, ಕೆಎಲ್ ರಾಹುಲ್ 42, ಎಬಿಡಿ ವಿಲಿಯರ್ಸ್ 64, ಶೇನ್ ವಾಟ್ಸನ್ 1, ಸಚಿನ್ ಬೇಬಿ 33, ಹೆಡ್ 11 ರನ್ ಗಳಿಸಿದ್ದಾರೆ.
ಕಿಂಗ್ಸ್ ಪರ ಸಂದೀಪ್ ಶರ್ಮಾ, ಕರಿಯಪ್ಪ ತಲಾ 2 ವಿಕೆಟ್ ಪಡೆದಿರೆ, ಅಕ್ಷರ್ ಪಟೇಲ್ 1 ವಿಕೆಟ್ ಪಡೆದಿದ್ದಾರೆ.
