ಗ್ರೇಟರ್ ನೋಯ್ಡಾ: ಭಾರತಿಯ ಕ್ರಿಕೆಟಿಗ ದೆಹಲಿ ವೇಗದ ಬೌಲರ್ ಪರ್ವೀಂದರ್ ಅವಾನಾ ಮೇಲೆ ಐವರು ದುಷ್ಕರ್ಮಿಗಳು ಏಕಾಏಕಿ ಹಲ್ಲೆ ನಡೆಸಿರುವ ಘಟನೆ ಉತ್ತರಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿ ನಡೆದಿದೆ.
ಹರಿದ್ವಾರದ ಮನೆಯಿಂದ ಕಾಸ್ನಾ ಸೈಟ್-4 ಗೆ ಮರಳುತ್ತಿರುವ ವೇಳೆ ದಾಳಿ ನಡೆದಿದೆ ಎಂದು ತಿಳಿದು ಬಂದಿದೆ. ಪರ್ವಿಂದರ್ ಅವರ ಎಕ್ಸ್ ಯುವಿ ಕಾರು ದಾಳಿಯಿಂದ ಹಾನಿಗೊಳಗಾಗಿದೆ. ಹಲ್ಲೆ ನಡೆಸಿದವರು ಗಂಗೋಳ ಗ್ರಾಮದವರು ಎಂದು ಹೇಳಲಾಗಿದೆ.
ಯಾವ ಕಾರಣಕ್ಕಾಗಿ ಅವರ ಮೇಲೆ ದಾಳಿ ನಡೆಸಲಾಗಿದೆ ಎಂಬುದು ಇಲ್ಲಿಯವರೆಗೆ ತಿಳಿದು ಬಂದಿಲ್ಲ.
2012ರಲ್ಲಿ ಇಂಗ್ಲೆಂಡ್ ವಿರುದ್ಧದ ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್ ಪಂದ್ಯಕ್ಕೆ ಪರ್ವಿಂದರ್ ಅವಾನಾ ಆಯ್ಕೆಯಾಗಿದ್ದರು. ತದನಂತರ 2016ರಲ್ಲಿ ಇವರು ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪರ ಆಟವಾಡಿದ್ದರು.