ನವದೆಹಲಿ: ಪಾಕಿಸ್ತಾನದ ಕ್ರಿಕೆಟ್ ದಿಗ್ಗಜರಾದ ಮಿಸ್ಬಾ ಉಲ್ ಹಕ್ ಮತ್ತು ಯೂನಿಸ್ ಖಾನ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ ಹಿನ್ನಲೆಯಲ್ಲಿ ಟೀಂ ಇಂಡಿಯಾ ಸ್ಫೋಟಕ ಬ್ಯಾಟ್ಸ್ ಮನ್ ಯುವರಾಜ್ ಸಿಂಗ್ ಹೃದಯ ಸ್ಪರ್ಶಿ ಟ್ವೀಟ್ ಮಾಡಿದ್ದಾರೆ.
ಯುವರಾಜ್ ಸಿಂಗ್ ಟ್ವೀಟ್ ನಲ್ಲಿ ನಿವೃತ್ತಿ ಪಡೆದಿರುವ ಮಿಸ್ಬಾ ಮತ್ತು ಯೂನಿಸ್ ಖಾನ್ ಗೆ ಶುಭಾಶಯ. ಕ್ರಿಕೆಟ್ ಗೆ ನೀವು ನೀಡಿರುವ ಕೊಡುಗೆ ನಮಗೆ ಸ್ಫೂರ್ತಿ ಎಂದು ಯುವರಾಜ್ ಸಿಂಗ್ ಟ್ವೀಟ್ ಮಾಡಿದ್ದು ಈ ಟ್ವೀಟ್ ಗೆ ಕೋಟಿಗೂ ಅಧಿಕ ರೀಟ್ವೀಟ್ ಮತ್ತು 6.22 ಕೋಟಿಗಿಂತ ಅಧಿಕ ಲೈಕ್ ಗಳು ಬಂದಿವೆ.
ಭಾರತ ಮತ್ತು ಪಾಕಿಸ್ತಾನ ನಡುವೆ ಇತ್ತೀಚಿನ ವರ್ಷಗಳಲ್ಲಿ ಯಾವುದೇ ಸರಣಿ ನಡೆದಿಲ್ಲ. ಹೀಗಿದ್ದರೂ ಆಟಗಾರರ ನಡುವೆ ಉತ್ತಮ ಬಾಂಧವ್ಯ ಉಳಿದುಕೊಂಡಿದೆ ಎನ್ನುವುದು ವಿಶೇಷ. ಇತ್ತೀಚೆಗೆ ಶಾಹೀದ್ ಆಫ್ರಿದಿ ನಿವೃತ್ತಿಗೆ ಭಾರತೀಯ ಆಟಗಾರರೆಲ್ಲ ಕೊಹ್ಲಿ ಜೆರ್ಸಿ ಮೇಲೆ ಹಸ್ತಾಕ್ಷರ ಹಾಕಿ ಕಳುಹಿಸಿದ್ದರು.
