ಭಾರತ-ಶ್ರೀಲಂಕಾ ದ್ವಿತೀಯ ಟೆಸ್ಟ್: ಭೋಜನ ವಿರಾಮದ ವೇಳೆ ಶ್ರೀಲಂಕಾ 47/2

ನಾಗ್ಪುರ:  ನಾಗ್ಪುರದಲ್ಲಿ ನಡೆಯುತ್ತಿರುವ ಭಾರತ-ಶ್ರೀಲಂಕಾ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭೋಜನ ವಿರಾಮದ ವೇಳೆಗೆ ಒಟ್ಟು 27 ಓವರ್ ಗಳಲ್ಲಿ ಶ್ರೀಲಂಕಾ ಎರಡು ವಿಕೆಟ್ ಕಳೆದುಕೊಂದು 47 ರನ್ ಗಳಿಸಿದೆ.

ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಪ್ರಾರಂಭಿಸಿದ ಶ್ರೀಲಂಕಾದ ಸದೀರಾ ಸಮರವಿಕ್ರಮಾ 13 ರನ್ ಗಳಿಸಿದಾಗ ಇಶಾಂತ್ ಶರ್ಮಾ ಅವರಿಗೆ ವಿಕೆಟ್ ಒಪ್ಪಿಸಿದರು. ಇದಾದ ನಂತರ ಲಾಹಿರು ತಿರಿಮನ್ನೆ 9 ರನ್ ಗಳಿಸಿ ರವಿಚಂದ್ರನ್ ಅಶ್ವಿನ್‌ ಅವರ ಬೌಲಿಂಗ್ ಗೆ ಬಲಿಯಾದರು.

ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡದಲ್ಲಿ ಇಶಾಂತ್ ಶರ್ಮಾ, ರೋಹಿತ್ ಹಾಗೂ ಮುರಳಿ ವಿಜಯ್ ಆಟವಾಡುತ್ತಿದ್ದು ಶಮಿ, ಭುವನೇಶ್ವರ್ ಹಾಗೂ ಶಿಖರ್ ಧವನ್ ವಿರಾಮ ಪಡೆದಿದ್ದಾರೆ. ಅದೇ ವೇಳೆ ಶ್ರೀಲಂಕಾ ತಂಡದಲ್ಲಿ ಮೊದಲ ಟೆಸ್ಟ್ ನಲ್ಲಿದ್ದ ತಂಡವನ್ನೇ ಉಳಿಸಿಕೊಳ್ಳಲಾಗಿದೆ.