ಮುಂಬೈ: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್)ನ ಫ್ರಾಂಚೈಸಿ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ತಂಡದ ನಾಯಕ ವಿರಾಟ್ ಕೊಹ್ಲಿ ಜಾಹೀರಾತುವೊಂದರಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಜತೆ ನಟಿಸಲ್ಲ ಎಂದಿದ್ದು ಇದರಿಂದ ಆರ್ಸಿಬಿ ಬರೋಬ್ಬರಿ 11 ಕೋಟಿ ರುಪಾಯಿ ಡೀಲ್ ಕಳೆದುಕೊಂಡಿದೆ.
ಆರ್ಸಿಬಿ ಹಾಗೂ ಗೋ ಐಬಿಬೋ ಡಾಟ್ ಕಾಮ್ ನಡುವೆ 11 ಕೋಟಿ ರುಪಾಯಿ ಡೀಲ್ ನಡೆಯಬೇಕಿತ್ತು. ಈ ಟ್ರಾವೆಲ್ ಏಜೆನ್ಸಿ ಕಂಪನಿಯ ಜಾಹಿರಾತಿನಲ್ಲಿ ವಿರಾಟ್ ಕೊಹ್ಲಿ ಮತ್ತು ದೀಪಿಕಾ ಪಡುಕೋಣೆ ಜತೆಯಾಗಿ ಕಾಣಿಸಿಕೊಳ್ಳಬೇಕಿತ್ತು.
ಆದರೆ ವಿರಾಟ್ ಕೊಹ್ಲಿ ತನ್ನ ಪತ್ನಿ ಅನುಷ್ಕಾ ಶರ್ಮಾ ಜತೆ ಬಿಟ್ಟು ಬೇರೆ ಯಾವ ನಟಿಯ ಜತೆಗೂ ನಟಿಸಲ್ಲ ಎಂದು ಹೇಳಿದ್ದಾರೆ. ಇದೇ ಕಾರಣಕ್ಕೆ ಆರ್ಸಿಬಿ ಕೋಟ್ಯಾಂತರ ರುಪಾಯಿ ಡೀಲ್ ಕಳೆದುಕೊಂಡಿದೆ ಎಂದು ಹೇಳಲಾಗಿದೆ.
ಐಪಿಎಲ್ 11ನೇ ಆವೃತ್ತಿಯಲ್ಲೂ ಆರ್ಸಿಬಿ ತಂಡದ ಪರ ಆಡುತ್ತಿರುವ ವಿರಾಟ್ ಕೊಹ್ಲಿ ಫ್ರಾಂಚೈಸಿ ತಂಡ 17 ಕೋಟಿ ರುಪಾಯಿ ನೀಡುತ್ತಿದೆ.
