ಈ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಗೌತಮ್ ಗಂಭೀರ್, ಮಯಾಂಕ್ ಅಗರ್ವಾಲ್ ಹಾಗೂ ಪೃಥ್ವಿಶಾ ತಂಡದ ಪರ ಮೈದಾನಕ್ಕಿಳಿದು ತಮ್ಮ ಸಾಮರ್ಥ್ಯ ಏನು ಎಂಬುದನ್ನ ಈಗಾಗಲೇ ತೋರಿಸಿದ್ದಾರೆ. ಮಯಾಂಕ್ - ಪೃಥ್ವಿ ಟೀಂ ಇಂಡಿಯಾದ ಬಹುಕಾಲದ ಆರಂಭಿಕ ಜೋಡಿಗಳಾಗಿ ಉಳಿಯಬಹುದು. ಈಗಾಗಲೇ ಟೆಸ್ಟ್ ನಲ್ಲಿ ಟೀಂ ಇಂಡಿಯಾ ಕೆ.ಎಲ್. ರಾಹುಲ್, ಮುರುಳಿ ವಿಜಯ್, ಶಿಖರ್ ಧವನ್, ಹನುಮ ವಿಹಾರಿಗೆ ಚಾನ್ಸ್ ನೀಡಿ ಅವರ ಸಾಮರ್ಥ್ಯವನ್ನು ಒರೆಗೆ ಹಚ್ಚಲಾಗಿದೆ. ಆದರೆ, ಇವರಿಂದ ಹೇಳಿಕೊಳ್ಳುವಂತಹ ಪ್ರದರ್ಶನ ಕಂಡು ಬಂದಿಲ್ಲ. ಹೀಗಾಗಿ ಮಯಾಂಕ್ ಮತ್ತು ಪೃಥ್ವಿ ಶಾ ಅವರಿಗೂ ಒಂದು ಚಾನ್ಸ್ ನೀಡಬೇಕು ಎಂದು ಹೇಳಿದ್ದಾರೆ.