ಭಾರತೀಯ ಕ್ರಿಕೆಟ್ ನ ದಿಕ್ಕನ್ನೇ ಬದಲಿಸಿದ ಮಾಹಿಗೆ ಐಸಿಸಿ, ಬಿಸಿಸಿಐ ಹೃದಯ ಸ್ಪರ್ಶಿ ಶುಭಾಶಯ!

ಲಂಡನ್: 38ನೇ ವಸಂತಕ್ಕೆ ಕಾಲಿಟ್ಟ ಟೀಂ ಇಂಡಿಯಾದ ಮಾಜಿ ನಾಯಕ ಹಾಲಿ ವಿಕೆಟ್ ಕೀಪರ್ ಹಿರಿಯ ಅನುಭವಿ ಆಟಗಾರ ಎಂಎಸ್ ಧೋನಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ ಐಸಿಸಿ ಹಾಗೂ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಜನುಮ ದಿನದ ಶುಭ ಕೋರಿವೆ.

ಈ ಕುರಿತಂತೆ ಟ್ವೀಟ್ ಮಾಡಿರುವ ಐಸಿಸಿ, ಎಂಎಸ್ ಧೋನಿ... ನಿರಾಕರಿಸಲಾಗದ ಪರಂಪರೆಯ ಹೆಸರು.. ಹ್ಯಾಪಿ ಬರ್ತ್ ಡೇ ಧೋನಿ... ಎಂದು ಟ್ವೀಟ್ ಮಾಡಿದೆ. ಅಂತೆಯೇ ಈ ಒಂದು ಹೆಸರು ಭಾರತೀಯ ಕ್ರಿಕೆಟ್ ನ ಮುಖಛರ್ಯೆಯನ್ನೇ ಬದಲಿಸಿತು. ಜಗತ್ತಿನ ಸಾವಿರಾರು ಮಂದಿಗೆ ಸ್ಪೂರ್ತಿಯಾಯಿತು. ನಿರಾಕರಿಸಲಾಗದ ಪರಂಪರೆಯ ಹೆಸರು.. ಹ್ಯಾಪಿ ಬರ್ತ್ ಡೇ ಧೋನಿ ಎಂದು ಟ್ವೀಟ್ ಮಾಡಿದೆ.

ಅಂತೆಯೇ ಬಿಸಿಸಿಐ ಕೂಡ ದೇಶಕಂಡ ಸರ್ವಶ್ರೇಷ್ಠ ನಾಯಕನಿಗೆ ಶುಭಾಶಯ ತಿಳಿಸಿದ್ದು, ಸತತ ನಾಲ್ಕು ವಿಶ್ವಕಪ್ ಗಳು, ನಾಲ್ಕು ಬಗೆಯ ಲುಕ್.. ಎಂದು ಬರೆದು ಧೋನಿಗೆ ಶುಭ ಕೋರಿದೆ. ಇದೇ ವೇಳೆ ವಿಶ್ವದ ನಾನಾ ತಂಡಗಳ ಪ್ರಮುಖ ಆಟಗಾರರು ಧೋನಿ ಕುರಿತಂತೆ ಮಾತನಾಡಿರುವ ಸಂಭಾಷಣೆಯ ತುಣುಕನ್ನು ಐಸಿಸಿ ಅಪ್ಲೋಡ್ ಮಾಡಿದ್ದು, ವಿಡಿಯೋದಲ್ಲಿ ಇಂಗ್ಲೆಂಡ್ ತಂಡದ ಜಾಸ್ ಬಟ್ಲರ್, ಬೆನ್ ಸ್ಟೋಕ್ಸ್, ಆಫ್ಘಾನಿಸ್ತಾನದ ವಿಕೆಟ್ ಕೀಪರ್ ಮಹಮದ್ ಶಹ್ಜಾದ್, ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮಾತನಾಡಿದ್ದು, ಇದಲ್ಲದೇ ಧೋನಿ ಕುರಿತಂತೆ ವಿಶ್ವದ ದಿಗ್ಗಜ ಆಟಗಾರರ ಹೇಳಿಕೆಯನ್ನು ಕೋಟ್ ಮಾಡಲಾಗಿದೆ.

ಇನ್ನು ಧೋನಿ ಬರ್ತ್ ಡೇ ಸೆಲೆಬ್ರೇಷನ್ ಕುರಿತಂತೆ ಏನು ಹೇಳುವಿರಿ ಎಂದು ರೋಹಿತ್ ಶರ್ಮಾ ಅವರಿಗೆ ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ರೋಹಿತ್, ಸುದ್ದಿಗಾರರನ್ನು ನಗೆಗಡಲಲ್ಲಿ ತೇಲುವಂತೆ ಮಾಡಿದರು. ಜನ್ಮ ದಿನಕ್ಕೆ ಏನು ಹೇಳುತ್ತಾರೆ.. ಹ್ಯಾಪಿ ಬರ್ತ್ ಡೇ ಎಂದು ಹೇಳಬಹುದು. ಬಹುಶಃ ನಾಳೆ ಮ್ಯಾಂಚೆಸ್ಟರ್ ಅಥವಾ ಬರ್ಮಿಂಗ್ ಹ್ಯಾಮ್ ಗೆ ಪ್ರಯಾಣ ಮಾಡುತ್ತಿರುತ್ತೇವೆ.. ಬಸ್ ನಲ್ಲೇ ಕೇಕ್ ಕಟ್ ಮಾಡಿ ನಿಮಗೆ ಫೋಟೋ ಕಳುಹಿಸುತ್ತೇವೆ ಎಂದು ರೋಹಿತ್ ಹಾಸ್ಯ ಚಟಾಕಿ ಹಾರಿಸಿದ್ದಾರೆ.