ಧೋನಿ ಬರ್ತ್ ಡೆ ಗೆ ಹಾರ್ದಿಕ್ ಪಾಂಡ್ಯ ವಿಶೇಷ ಗಿಫ್ಟ್, ವೈರಲ್ ಆಯ್ತು ಹೆಲಿಕಾಪ್ಟರ್ ಶಾಟ್ ಡ್ಯಾನ್ಸ್!

ಲಂಡನ್: 38ನೇ ವಸಂತಕ್ಕೆ ಕಾಲಿಟ್ಟ ಟೀಂ ಇಂಡಿಯಾದ ಮಾಜಿ ನಾಯಕ ಹಾಲಿ ವಿಕೆಟ್ ಕೀಪರ್ ಹಿರಿಯ ಅನುಭವಿ ಆಟಗಾರ ಎಂಎಸ್ ಧೋನಿಗೆ ಸಹ ಆಟಗಾರ ಹಾರ್ದಿಕ್ ಪಾಂಡ್ಯಾ ಹೃದಯ ಸ್ಪರ್ಶಿ ಶುಭಾಶಯ ರವಾನಿಸಿದ್ದಾರೆ.

ರಾತ್ರಿ 12ಕ್ಕೆ ಟೀಂ ಇಂಡಿಯಾ ಆಟಗಾರರೊಂದಿಗೆ ಮಾಹಿ ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ದು, ನಾಯಕ ವಿರಾಟ್ ಕೊಹ್ಲಿ, ಹಾರ್ದಿಕ್ ಪಾಂಡ್ಯ ಸೇರಿದಂತೆ ತಂಡದ ಸಹ ಆಟಗಾರರು ಮಾಹಿಗೆ ಕೇಕ್ ತಿನ್ನಿಸಿ ಶುಭ ಕೋರಿದ್ದಾರೆ. ಈ ವೇಳೆ ಮಾಹಿ ಪತ್ನಿ ಸಾಕ್ಷಿ ಕೂಡ ಹಾಜರಿದ್ದು ಧೋನಿಗೆ ಶುಭ ಕೋರಿದ್ದಾರೆ.

ಇನ್ನು ಕೇಕ್ ಕಟ್ ಮಾಡಿದ ಬಳಿಕ ಧೋನಿ ಮತ್ತು ಹಾರ್ದಿಕ್ ಹೆಲಿಕಾಪ್ಟರ್ ಶಾಟ್ ನ ಡ್ಯಾನ್ಸ್ ಮಾಡಿದ್ದು, ಈ ಡ್ಯಾನ್ಸ್ ವಿಡಿಯೋವನ್ನು ಪಾಂಡ್ಯಾ ತಮ್ಮ ಇನ್ ಸ್ಚಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದ್ದು, ಮಾಹಿ ಅವರ ಸಿಗ್ನೇಚರ್ ಶಾಟ್ ಆಗಿದ್ದ ಹೆಲಿಕಾಪ್ಟರ್ ಶಾಟ್ ಅನ್ನು ಹಾರ್ದಿಕ್ ಪಾಂಡ್ಯಾ ಪುನರಾವರ್ತನೆ ಮಾಡುವಲ್ಲಿ ಯಶಸ್ವಿಯಾಗಿದ್ದರು. ಈ ಸುದ್ದಿ ವ್ಯಾಪಕ ವೈರಲ್ ಕೂಡ ಆಗಿತ್ತು. ಇದೀಗ ಅದೇ ಶಾಟ್ ಮೂಲಕ ಇಬ್ಬರು ಆಟಗಾರರು ಮಾಡಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.

'ಹ್ಯಾಪಿ ಬರ್ತ್ ಡೇ.. ಮಾಹಿ ಭಾಯ್.. ಪ್ರತಿ ದಿನ ನಿಮ್ಮೊಂದಿಗೆ ಸಮಯ ಕಳೆಯುತ್ತಿದ್ದು, ನಿಮ್ಮಿಂದ ಸಾಕಷ್ಟು ವಿಚಾರಗಳನ್ನು ಕಲಿಯುವ ಆವಕಾಶ ಸಿಗುತ್ತಿದೆ. ನನ್ನ ಜೀವನದ ಅತೀ ದೊಡ್ಡ ರೋಲ್ ಮಾಡೆಲ್ ಆಗಿದ್ದಕ್ಕೆ ಧನ್ಯವಾದಗಳು ಎಂದು ಪಾಂಡ್ಯಾ ಹೇಳಿದ್ದಾರೆ.