ಸುಲಭವಾಗಿ ರನ್ ಔಟ್ ಮಾಡುವ ಅವಕಾಶಗಳನ್ನು ಕೆಲವೊಮ್ಮೆ ಆಟಗಾರರು ಕಳೆದುಕೊಳ್ಳುತ್ತಾರೆ. ಅದೇ ರೀತಿ ಲಂಕಾ ಬೌಲರ್ ಒಬ್ಬ ಸ್ಮಿತ್ ರನ್ನು ಸುಲಭವಾಗಿ ಔಟ್ ಮಾಡುವ ಅವಕಾಶವನ್ನು ಕಳೆದುಕೊಂಡಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.
ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧದ ಟಿ20 ಪಂದ್ಯದಲ್ಲಿ ಶ್ರೀಲಂಕಾ 9 ವಿಕೆಟ್ ಗಳಿಂದ ಸೋಲು ಕಂಡಿದೆ. ಇದೇ ಪಂದ್ಯದಲ್ಲಿ ಸ್ಪಿನ್ನರ್ ಲಕ್ಷನ್ ಸಂದಕನ್ ಅವರಿಗೆ ನಾನ್ ಸ್ಟ್ರೈಕ್ ನಲ್ಲಿದ್ದ ಸ್ಮಿತ್ ರನ್ನು ಸುಲಭವಾಗಿ ಔಟ್ ಮಾಡುವ ಅವಕಾಶವಿತ್ತು.
ಸ್ಟ್ರೈಕ್ ನಲ್ಲಿದ್ದ ಡೇವಿಡ್ ವಾರ್ನರ್ ಸಂದಕನ್ ಎಸೆತವನ್ನು ನೇರವಾಗಿ ಹೊಡೆದರು. ಈ ವೇಳೆ ಚೆಂಡು ವಿಕೆಟ್ ಗೆ ಬೀಳುತ್ತದೆ. ಆದರೆ ಚೆಂಡು ಬೌಲರ್ ಕೈಗೆ ಚಟ್ ಆಗಿರುವುದಿಲ್ಲ. ಈ ವೇಳೆ ಸ್ಮಿತ್ ರನ್ ಕದಿಯುವ ಭರದಲ್ಲಿ ಮುಂದಕ್ಕೆ ಹೋಗಿದ್ದರು.
ಆಗ ಸಂದಕನ್ ಚೆಂಡನ್ನು ವಿಕೆಟ್ ಗೆ ಬಡಿಯುವ ಬಡಲು ಬಲಗೈನಲ್ಲಿ ಚೆಂಡನ್ನು ಹಿಡಿದು ಎಡಗೈನಲ್ಲಿ ವಿಕೆಟ್ ಕಿತ್ತಿದ್ದರಿಂದ ನಾಟೌಟ್ ಆಗಲು ಕಾರಣವಾಯಿತು.
