ಒಂದು ಇನ್‍ಸ್ಟಾಗ್ರಾಂ ಪೋಸ್ಟ್ ಗೆ ಕೊಹ್ಲಿ ದುಬಾರಿ ಸಂಭಾವನೆ; ವಿಶ್ವದ ಮೊದಲ ಕ್ರಿಕೆಟಿಗ ಎಂಬ ಖ್ಯಾತಿ!

ನವದೆಹಲಿ: ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಕ್ರಿಕೆಟ್ ಮೈದಾನದಲ್ಲಿ ಒಂದೊಂದೆ ದಾಖಲೆಗಳನ್ನು ಸೃಷ್ಟಿಸಿದ್ದು ಈ ಮಧ್ಯೆ ಸಾಮಾಜಿಕ ಜಾಲತಾಣದಲ್ಲಿ ಬರೋಬ್ಬರಿ 10 ಕೋಟಿ ಹಿಂಬಾಲಕರನ್ನು ಹೊಂದಿರುವ ಅವರು ಇನ್‍ಸ್ಟಾಗ್ರಾಂನ ಒಂದು ಪೋಸ್ಟ್ ಗೆ ದುಬಾರಿ ಸಂಭಾವನೆ ಪಡೆಯುತ್ತಿದ್ದಾರೆ.

ವಿರಾಟ್ ಕೊಹ್ಲಿ ಇನ್‍ಸ್ಟಾಗ್ರಾಂನಲ್ಲಿ 33.6 ಮಿಲಿಯನ್(3.36 ಕೋಟಿ). ಫೇಸ್ ಬುಕ್ ನಲ್ಲಿ 37 ಮಿಲಿಯನ್(3.7 ಕೋಟಿ) ಹಾಗೂ ಟ್ವೀಟರ್ ನಲ್ಲಿ 29.5 ಮಿಲಿಯನ್(2.95 ಕೋಟಿ) ಒಟ್ಟಾರೆ 100 ಮಿಲಿಯನ್(10 ಕೋಟಿ) ಹಿಂಬಾಲಕರನ್ನು ಹೊಂದಿದ್ದು ಈ ಮೂಲಕ 100 ಮಿಲಿಯನ್ ಹಿಂಬಾಲಕರನ್ನು ಪಡೆದ ವಿಶ್ವದ ಮೊದಲ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಇನ್ನು ಕೊಹ್ಲಿ ಇನ್‍ಸ್ಟಾಗ್ರಾಂನ ಒಂದು ಜಾಹಿರಾತು ಪೋಸ್ಟ್ ಗೆ ಸುಮಾರು 83 ಲಕ್ಷ ರುಪಾಯಿ ಪಡೆಯಲಿದ್ದಾರೆ. ಒಟ್ಟಿನಲ್ಲಿ ಕ್ರಿಕೆಟ್ ನಲ್ಲಿ ದಾಖಲೆಗಳನ್ನು ಸೃಷ್ಟಿಸುವ ವಿರಾಟ್ ಕೊಹ್ಲಿ ಇದೀಗ ಸಾಮಾಜಿಕ ಜಾಲತಾಣದಲ್ಲೂ ದಾಖಲೆ ಬರೆಯುತ್ತಿದ್ದಾರೆ.