ಗುವಾಹಟಿ: ಜಗತ್ತಿನಲ್ಲೇ ಅತಿ ಹೆಚ್ಚು ಅಭಿಮಾನಿಗಳ ಪ್ರೀತಿಯ ಆಟಗಾರ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಎಂಬುವುದರಲ್ಲಿ ಅನುಮಾನವೇ ಇಲ್ಲ. ಶ್ರೀಲಂಕಾ ವಿರುದ್ಧದ ಮೂರು ಪಂದ್ಯಗಳ ಟಿ-20 ಸರಣಿಯ ಮೊದಲನೇ ಹಣಾಹಣಿಯ ನಿಮಿತ್ತ ಇಲ್ಲಿಗೆ ಆಗಮಿಸಿರುವ ಕೊಹ್ಲಿಗೆ ಅಭಿಮಾನಿಯೊಬ್ಬ ವಿಶೇಷ ಉಡುಗೊರೆ ನೀಡಿದ್ದಾರೆ.
`
ರಾಹುಲ್ ಎಂಬ ಕ್ರಿಕೆಟ್ ಅಭಿಮಾನಿಯೊಬ್ಬ ಹಳೆಯ ಮೊಬೈಲ್ ಫೋನ್ ಗಳೊಂದಿಗೆ ಹಾಗೂ ವೈರ್ ಮತ್ತು ತಂತಿಗಳನ್ನು ಬಳಿಸಿಕೊಂಡು ವಿರಾಟ್ ಕೊಹ್ಲಿ ಭಾವಚಿತ್ರವನ್ನು ವಿಶಿಷ್ಠ ರೀತಿಯಲ್ಲಿ ಬಿಡಿಸಿದ್ದಾನೆ. ಕೊಹ್ಲಿ ತಂಗಿದ್ದ ಹೋಟೆಲ್ ಗೆ ತೆರಳಿದ ರಾಹುಲ್, ನೆಚ್ಚಿನ ಆಟಗಾರನಿಗೆ ಉಡುಗೊರೆ ನೀಡಿದ್ದಾನೆ.
ರಾಹುಲ್ ರಿಂದ ಈ ವಿಶೇಷ ಉಡುಗೊರೆ ಪಡೆದ ಕೊಹ್ಲಿ ಅದರ ಮೇಲೆ ತಮ್ಮ ಸಹಿ ಮಾಡಿ ಮೆಚ್ಚುಗೆ ಸೂಚಿಸಿದ್ದಾರೆ.
ರಾಹುಲ್ ಅವರ ಈ ಉಡುಗೊರೆಯ ವೀಡಿಯೋವನ್ನು ಬಿಸಿಸಿಐ ತನ್ನ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದೆ. " ಕೆಲ ತಿಂಗಳ ಹಿಂದೆ ಕೊಹ್ಲಿ ಪಂದ್ಯಕ್ಕಾಗಿ ಗುವಾಹತಿಗೆ ಆಗಮಿಸುತ್ತಾರೆ ಎಂದು ತಿಳಿಯಿತು. ಈ ವೇಳೆ ಹಳೆಯ ಮೊಬೈಲ್ ಫೋನ್ ಗಳಿಂದ ಕೊಹ್ಲಿರ ಚಿತ್ರ ರೂಪಿಸಿದೆ. ಸರಿ ಸುಮಾರು 3 ದಿನಗಳ ಕಾಲ ಇದಕ್ಕೆ ತೆಗೆದುಕೊಂಡಿದ್ದೆ. ಕೊಹ್ಲಿ ಅವರ ಭೇಟಿಯ ಕ್ಷಣ ನನಗೆ ಸಂತಸ ತಂದಿದೆ. ಅವರ ಆಟೋಫ್ಗ್ರಾಫ್ ಸಹ ಪಡೆದಿದ್ದೇನೆ" ಎಂದು ರಾಹುಲ್ ತಮ ಹರ್ಷವನ್ನು ಹಂಚಿಕೊಂಡಿದ್ದಾರೆ.
ಇಂದು ಟೀಂ ಇಂಡಿಯಾ-ಶ್ರೀಲಂಕಾ ನಡುವೆ ಈ ವರ್ಷದ ಮೊದಲ ಟಿ20 ಪಂದ್ಯ ಗುವಾಹಟಿಯಲ್ಲಿ ನಡೆಯಲಿದೆ.
Advertisement