ನವದೆಹಲಿ: 19ರ ವಯೋಮಿತಿಯ ಟೀಂ ಇಂಡಿಯಾ ಮಾಜಿ ನಾಯಕ ಉನ್ಮುಕ್ತ್ ಚಾಂದ್ ಅವರ ಕಣ್ಣಿಗೆ ಗಂಭೀರ ಗಾಯವಾಗಿದೆ.
ಅಮೆರಿಕಾದಲ್ಲಿ ಮೈನರ್ ಲೀಗ್ ಕ್ರಿಕೆಟ್ ನಲ್ಲಿ ಸಿಲಿಕಾನ್ ವ್ಯಾಲಿ ಸ್ಟ್ರೈಕರ್ ಪರವಾಗಿ ಆಡುವಾಗ ಅವರ ಎಡಗಣ್ಣಿಗೆ ಗಾಯವಾಗಿದೆ
ಅಮೆರಿಕಾದಲ್ಲಿ ಆಡಲು ಭಾರತೀಯ ಕ್ರಿಕೆಟ್ ನಿಂದ ನಿವೃತ್ತಿ ಪಡೆದಿರುವ 29 ವರ್ಷದ ಉನ್ಮುಕ್ತ್ ಚಂದ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಕಣ್ಣಿಗೆ ಗಾಯವಾಗಿರುವ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
'ಅಥ್ವೀಟ್ ಒಬ್ಬರ ಜೀವನಯಾನ ಸರಳವಾಗಿರುವುದಿಲ್ಲ. ಕೆಲವೊಂದು ದಿನಗಳು ವಿಜಯದ ಸಂಭ್ರಮವಿರುತ್ತದೆ. ಇನ್ನೊಂದಿಷ್ಟು ದಿನಗಳು ಬರೇ ನೋವು, ಗಾಯ ಹಾಗೂ ನಿರಾಸೆಗಳಿರುತ್ತವೆ. ದೊಡ್ಡ ಮಟ್ಟದ ದುರಂತವನ್ನು ತಪ್ಪಿಸಿದ ದೇವರಿಗೆ ಕೃತಜ್ಞನಾಗಿದ್ದೇನೆ. ಉತ್ಸಾಹದಿಂದ ಆಡಬೇಕು ಆದರೆ, ಎಚ್ಚರಿಕೆಯಿಂದ ಆಡಬೇಕು. ನಿಮ್ಮೆಲ್ಲರ ಹಾರೈಕೆಗಳಿಗೆ ಧನ್ಯವಾದಗಳು ಎಂದು ಅವರು ಬರೆದುಕೊಂಡಿದ್ದಾರೆ.
ಉನ್ಮುಕ್ತ್ ಚಾಂದ್ಆಸ್ಟ್ರೇಲಿಯಾದ ಬಿಗ್ ಬಾಸ್ ಲೀಗ್ ನಲ್ಲಿ ಆಡಿದ ಮೊದಲ ಭಾರತೀಯ ಆಟಗಾರರಾಗಿದ್ದಾರೆ. ಆದರೆ, ಹಿರಿಯರ ಮಟ್ಟದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಅವರು ದೇಶವನ್ನು ಪ್ರತಿನಿಧಿಸಿರಲಿಲ್ಲ.
