ಕಿಮ್ಸ್ ನಲ್ಲಿ ಶಿಶುಗಳ ಸಾವು: ತನಿಖೆ ಆರಂಭಿಸಿದ ವೈದ್ಯಾಧಿಕಾರಿಗಳು

ಬೆಂಗಳೂರು: ಕೆಂಪೇಗೌಡ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ (ಕಿಮ್ಸ್) ನಾಲ್ಕು ನವಜಾತ ಶಿಶುಗಳ ಅಸಹಜ ಸಾವಿನ ಪ್ರಕರಣದ ತನಿಖೆಯನ್ನು ವೈದ್ಯಾಧಿಕಾರಿಗಳ ವಿಶೇಷ ತಂಡ ಆರಂಭಿಸಿದೆ.

ಶನಿವಾರ ಆಸ್ಪತ್ರೆಗೆ ಭೇಟಿ ನೀಡಿದ್ದ ಅಧಿಕಾರಿಗಳು ಆಸ್ಪತ್ರೆ ಮುಖ್ಯಸ್ಥರು, ವೈದ್ಯರು ಹಾಗೂ ಸ್ಟಾಫ್ ನರ್ಸ್ ಗಳಿಂದ ಮಾಹಿತಿ ಸಂಗ್ರಹಿಸಿದ್ದಾರೆ. ಮಕ್ಕಳು ಜನಿಸಿದ ವೇಳೆ ಇದ್ದ ಸಮಸ್ಯೆಗಳು, ನೀಡಲಾದ ಔಷಧ, ಚಿಕಿತ್ಸೆ ಉಪಚಾರದ ಬಗ್ಗೆ ಸಮಗ್ರ ಮಾಹಿತಿ ಕಲೆ ಹಾಕಿದ್ದಾರೆ ಎಂದು ತಿಳಿದು ಬಂದಿದೆ.

ಕಿಮ್ಸ್ ಆಸ್ಪತ್ರೆಗೆ ದಾಖಲಾಗಿದ್ದ ನಾಲ್ಕು ನವಜಾತ ಶಿಶುಗಳು ಬುಧವಾರ 24 ತಾಸುಗಳ ಅವಧಿಯಲ್ಲಿ ಅಸಹಜವಾಗಿ ಮೃತಪಟ್ಟಿದ್ದವು. ಶಿಶುಗಳ ಸಾವಿಗೆ ಆಸ್ಪತ್ರೆ ವೈದ್ಯರ ನಿರ್ಲಕ್ಷ್ಯ ಕಾರಣ ಎಂದು ಪಾಲಕರು ಆರೋಪಿಸಿದ್ದರು.