ಸಮರಾ ಅರೇನಾ ರಾಷ್ಯಾ): ಫಿಫಾ ವಿಶ್ವಕಪ್ ಗೆಲ್ಲುವ ಸಲುವಾಗಿ ರಷ್ಯಾದಲ್ಲಿ ನಡೆಯುತ್ತಿರುವ ರೋಚಕ ಹಣಾಹಣಿಯಲ್ಲಿ ಗುರುವಾರ ಸೆನಗಲ್ ವಿರುದ್ಧ ಕೊಲಂಬಿಯಾ 1-0 ಅಂತರದ ಗೆಲುವು ದಾಖಲಿಸಿದೆ.
ಈ ಗೆಲುವಿನೊಂದಿಗೆ ಕೊಲಂಬಿಯಾ ತಂಡ ನಾಕೌಟ್ ಹಂತಕ್ಕೆ ಪ್ರವೇಶ ಗಿಟ್ಟಿಸಿದೆ.
ಕೊಲಂಬಿಯಾದ ಯೆರಿ ಮಿನಾ (74ನೇ ನಿಮಿಷ) ತಂಡದ ಪರವಾಗಿ ಏಕೈಕ ಗೋಲು ಗಳಿಸಿಕೊಳ್ಳುವ ಮೂಲಕ ಕೊಲಂಬಿಯಾಗೆ ವಿಜಯ ದಕ್ಕಿವಂತೆ ಮಾಡಿದ್ದಾರೆ.
ವಿಶೇಷವೆಂದರೆ ಪಂದ್ಯದ ಮೊದಲ ಅರ್ಧದಲ್ಲಿ 3 ನಿಮಿಷ ಹಾಗೂ ದ್ವಿತೀಯಾರ್ಧದಲ್ಲಿ 4 ನಿಮಿಷಗಳನ್ನು ಹೆಚ್ಚುವರಿಯಾಗಿ ಸೇರಿಸಲಾಗಿತ್ತು. ಆದರೆ ಸೆನಗಲ್ ತಂಡದಿಂದ ಯಾವ ಗೋಲು ಗಳಿಕೆಯು ಸಆಧ್ಯವಾಗಲಿಲ್ಲ.
ಈ ನಡುವೆ ಪಂದ್ಯ ಪ್ರಾರಂಭವಾದ ಸ್ವಲ್ಪ ಸಮಯದಲ್ಲೆ ಎರಡೂ ತಂಡಗಳ ನಡುವೆ ಜಗಳ ಪ್ರಾರಂಭವಾಗಿತ್ತು. ಪೆನಾಲ್ಟಿ ವಿಚಾರವಾಗಿ ಆರಂಭವಾದ ಜಗಳ ಕಡೆಗೆ ಪೆನಾಲ್ಟಿ ರದ್ದುಗೊಳಿಸಿ ತೀರ್ಪು ಪ್ರಕಟಿಸುವಲ್ಲಿಗೆ ಮುಕ್ತಾಯ ಕಂಡಿದೆ. ಏತನ್ಮಧ್ಯೆ ಎರಡೂ ತಂಡಗಳು ಐದು ಬಾರಿ ತಮ್ಮ ಆಟಗಾರರನ್ನು ಬದಲಾವಣೆ ಮಾಡಿಕೊಂಡಿದ್ದವು.
