ಖರ್ಜೂರದ ಹಲ್ವಾ

ಬೇಕಾಗುವ ಪದಾರ್ಥಗಳು

• ಖರ್ಜೂರ - 2 ಬಟ್ಟಲು
• ಬಿಸಿ ಹಾಲು -2 ಬಟ್ಟಲು
• ಸಕ್ಕರೆ - ಒಂದು ಬಟ್ಟಲು
• ತುಪ್ಪ - ಅರ್ಧ ಬಟ್ಟಲು
• ಏಲಕ್ಕಿ ಪುಡಿ - ಸ್ವಲ್ಪ
• ಬಾದಾಮಿ - 5-6

• ಬಿಸಿ ಹಾಲಿನಲ್ಲಿ ಖರ್ಜೂರವನ್ನು ಕಮ್ಮಿಯೆಂದರೂ 3 ಗಂಟೆಗಳ ಕಾಲ ನೆನೆ ಹಾಕಬೇಕು. ನಂತರ ಮಿಕ್ಸಿಯಲ್ಲಿ ಹಾಕಿ ರುಬ್ಬಿ ಪೇಸ್ಟ್ ಮಾಡಿಕೊಳ್ಳಬೇಕು.
• ನಂತರ ತಟ್ಟೆಯೊಂದಕ್ಕೆ ತುಪ್ಪ ಸವರಿಟ್ಟುಕೊಳ್ಳಬೇಕು.
• ಒಲೆಯ ಮೇಲೆ ಬಾಣಲೆಯೊಂದಕ್ಕ ತುಪ್ಪ ಹಾಕಿ ಬಿಸಿ ಮಾಡಿ. ಇದಕ್ಕೆ ರುಬ್ಬಿಕೊಂಡ ಖರ್ಜೂರದ ಪೇಸ್ಟ್ ಹಾಗೂ ಸಕ್ಕರೆ ಹಾಕಿ. ಸಕ್ಕರೆ ಸಂಪೂರ್ಣವಾಗಿ ಕರಗುವವರೆಗೆ ಸೌಟ್ ನಿಂದ ಕೈಯಾಡಿಸಿ.
• ನಂತರ ಏಲಕ್ಕಿ ಹಾಕಿ. ಈ ಮಿಶ್ರಣವನ್ನು ತುಪ್ಪಸವರಿಸ ತಟ್ಟೆಗೆ ಹಾಕಿ ಅದರ ಮೇಲೆ ಬಾದಾಮಿಯನ್ನು ಉದುರಿಸಿ ತಣ್ಣಾಗಾಗಲು ಬಿಡಿ.
• ತಣ್ಣಗಾದ ಮೇಲೆ ಬೇಕಾದ ಆಕಾರದಲ್ಲಿ ಕತ್ತರಿಸಿಕೊಂಡರೆ ಖರ್ಜೂರದ ಹಲ್ವಾ ತಯಾರಾಗುತ್ತದೆ.