ನೀವು ಈ ಸಾಕ್ಸ್ ನ್ನು ಧರಿಸಿದರೆ ಶೂ ಹಾಕುವ ಅಗತ್ಯವಿಲ್ಲ!

ಲಂಡನ್: ಈ ಸಾಕ್ಸ್ ನ್ನು ಧರಿಸಿದರೆ ನೀವು ಶೂ ಧರಿಸುವ ಅಗತ್ಯವಿರುವುದಿಲ್ಲ! ಹೌದು, ಅಂತಹದ್ದೊಂದು ವಿಶೇಷ ಮಾದರಿಯ ಸಾಕ್ಸ್ ಕಮ್ ಶೂ ಗಳನ್ನು ಅಭಿವೃದ್ಧಿಪಡಿಸಲಾಗಿದೆ.

ಸೂಪರ್ ಸ್ಟ್ರಾಂಗ್ ಫಾಬ್ರಿಕ್(ಬಟ್ಟೆ)ಯಿಂದ ವಿಶೇಷ ಮಾದರಿಯ  ಕಾಲುಚೀಲ ತಯಾರಾಗಲಿದ್ದು, ಸ್ಪೋರ್ಟ್ ಸಾಕ್ಸ್ ಹಾಗೂ ಶೂ ಎರಡೂ ರೀತಿಯಲ್ಲಿ ಬಳಸಬಹುದಾಗಿದೆ. ರಾಕ್ ಕ್ಲೈಂಬರ್ಸ್ ಸಾಮಾನ್ಯವಾಗಿ ಈ ರೀತಿಯ ಸೂಪರ್ ಸ್ಟ್ರಾಂಗ್ ಬಟ್ಟೆಯಿಂದ ತಯಾರಾದ ಸಾಕ್ಸ್ ಗಳನ್ನು ಬಳಸುತ್ತಾರೆ. ಶೂ ಬದಲಿಗೆ ಉಪಯೋಗಿಸಬಹುದಾದ ಸಾಕ್ಸ್ ಗಳು ನೀರಿನ ನಿರೋಧಕವಾಗಿರಲಿದೆಯಂತೆ.

ಈ ರೀತಿಯ ಸಾಕ್ಸ್ ಗಳಿಂದ ಅಥ್ಲೀಟ್ ಗಳಿಗೆ ಹೆಚ್ಚಿನ ಉಪಯೋಗವಾಗಲಿದ್ದು, ಕ್ರೀಡಾ ಸ್ಪರ್ಧೆಗಳಲ್ಲಿ ಭಾಗವಹಿಸುವಾಗ ಬರಿಗಾಲಿನ ಅನುಭವ ನೀಡುತ್ತದೆ ಎಂದು ಫ್ರೀ ಯುವರ್ ಫುಟ್ ಸಂಸ್ಥೆಯ ಡೈಟರ್ ಹೆಷ್ ಹೇಳಿದ್ದಾರೆ. ಹಲವು ಕ್ರೀಡೆಗಳನ್ನು ಬರಿಗಾಲಿನಲ್ಲೇ ಆಡಲು ಬಯಸುವ ಕ್ರೀಡಾಪಟುಗಳಿಗೆ ಶೂ ಬದಲಿಗೆ ಉಪಯೋಗಿಸಬಹುದಾದ ಸಾಕ್ಸ್ ಅನುಕೂಲವಾಗಲಿದೆ.

ರಾಕ್ ಕ್ಲೈಂಬಿಂಗ್, ಡೈವಿಂಗ್, ಓಟ, ಬೀಚ್ ವಾಲಿಬಾಲ್ ನಂತಹ ಹಲವು ಕ್ರೀಡೆಗಳಲ್ಲಿ ಈಗಾಗಲೇ ಸೂಪರ್ ಸ್ಟ್ರಾಂಗ್ ಫಾಬ್ರಿಕ್ ನಿಂದ ತಯಾರಾದ ಸಾಕ್ಸ್ ನ್ನು ಪ್ರಾಯೋಗಿಕವಾಗಿ ಬಳಕೆಮಾಡಲಾಗಿದೆ. ಸದ್ಯದಲ್ಲೇ ಮಾರುಕಟ್ಟೆಗೆ ಬಿಡುಗಡೆಯಾಗುವ  ಶೂ ಬದಲಿಗೆ ಉಪಯೋಗಿಸಬಹುದಾದ ಸಾಕ್ಸ್ ನ ಬೆಲೆ 80 $ ಯಾಗಿರಲಿದೆ ಎಂದು ಅಂದಾಜಿಸಲಾಗಿದೆ.