ಮೆಲ್ಬೋರ್ನ್: ಬಡವರ ಬಾದಾಮಿ ಎಂದೇ ಫೇಮಸ್ ಆಗಿರುವ ಕಡಲೆ ಬೀಜ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಂತೆ. ಪ್ರತಿನಿತ್ಯ.ಕಡಲೆ ಬೀಜವನ್ನು ನಿಯಮಿತವಾಗಿ ಸ್ವಲ್ಪ ಪ್ರಮಾಣದಲ್ಲಿ ತಿನ್ನುತ್ತಾ ಬಂದರೆ ಮಾರಕ ರೋಗ ಕ್ಯಾನ್ಸರ್ ಕಾಯಿಲೆಯಿಂದ ಸಂಭವಿಸುವ ಅಕಾಲಿಕ ಮರಣದಿಂದ ತಪ್ಪಿಸಿಕೊಳ್ಳಬಹುದು. ಜೊತೆಗೆ ಹೃದಯ ಸಂಬಂಧಿ ರೋಗಗಳಿಗೆ ಕಡಲೇ ಬೀಜ ರಾಮಭಾಣವಂತೆ ಈಗಂತ ಸಂಶೋಧನೆ ನಡೆಸಿದ ಮೆಲ್ಬೋರ್ನ್ ನ ಮ್ಯಾಸ್ಟ್ರಿಚ್ ವಿಶ್ವವಿದ್ಯಾನಿಲಯ ನಡೆಸಿದ ಸಂಶೋಧನೆಯಿಂದ ತಿಳಿದು ಬಂದಿದೆ.
ನಮ್ಮಲ್ಲಿ ಕಡಲೆಕಾಯಿ ಬೀಜ ತಿಂದರೆ ಕೊಲೆಸ್ಟ್ರಾಲ್ ಬರುತ್ತೆ, ಬಿ.ಪಿ ಬರುತ್ತೆ ಅಂತಾ ಮೂಗು ಮೂರಿಯುವವರೇ ಹೆಚ್ಚು. ಆದರೆ ಪ್ರತಿ ದಿನ ಸುಮಾರು 10 ಗ್ರಾಂ ನಷ್ಟು ಕಡಲೆಕಾಯಿ ಬೀಜ ತಿನ್ನುವುದರಿಂದ ಮಾರಣಾಂತಿಕ ಕಾಯಿಲೆಗಳಿಂದ ಉಂಟಾಗುವ ಅಪಮೃತ್ಯುವಿನಿಂದ ಪಾರಾಗಬಹುದು. ಜೊತೆಗೆ ಕಡೆಲೆಕಾಯಿ ಬೀಜ ಸೇವನೆಯಿಂದ ಪಾರ್ಶ್ವವಾಯು ವಿನಂತರ ರೋಗಗಳು ಹತ್ತಿರ ಸುಳಿಯಲ್ಲ ಎಂದು ವರದಿ ತಿಳಿಸಿದೆ. ಇನ್ನು ಕಿಡ್ನಿಯಲ್ಲಿ ಸಂಗ್ರಹವಾಗುವ ಕಲ್ಲುಗಳನ್ನು ಸಹ ಕರಗಿಸುತ್ತದಂತೆ ಕಡಲೇ ಬೀಜ..
ಕಡಲೆಕಾಯಿ ಬೀಜದಲ್ಲಿ ಹೆಚ್ಚಿನ ಪ್ರಮಾಣದ ಫೈಬರ್, ವಿಟಮಿನ್, ಮಿನರಲ್ಸ್, ಆಂಟಿ ಆಕ್ಸಿಡಂಟ್ಸ್ ಇರುತ್ತದೆ. ಇನ್ನು ಕಡಲೆ ಬೀಜದಲ್ಲಿ ಬಿ ಜೀವಸತ್ವ ಹೆಚ್ಚಿನ ಪ್ರಮಾಣದಲ್ಲಿ ಇರುವುದರಿಂದ ಚರ್ಮಕ್ಕೆ ನೈಜ ಹೊಳಪು ನೀಡುತ್ತದೆ. ಹೀಗಾಗಿ ಹೃದಯಕ್ಕೆ ಸಂಬಂಧಿಸಿದ ರೋಗಗಳಿಂದ ಪಾರು ಮಾಡುತ್ತದೆ. ಯಾವುದೇ ಆದರೂ ಅತಿಯಾಗಿ ಸೇವಿಸಿದರೇ ಅಪಾಯ ಕಟ್ಟಿಟ್ಟ ಬುತ್ತಿ. ಹಿತಮಿತವಾಗಿ ಸೇವಿಸಿದರೇ ಆರೋಗ್ಯಕ್ಕೂ ಉತ್ತಮ.
