ಲಂಡನ್: ಮಹಿಳೆಯರನ್ನು ಆಕರ್ಷಿಸುವುದು ಹೇಗೆ? ಹೀಗೊಂದು ಪ್ರಶ್ನೆ ಪುರುಷರಲ್ಲಿದ್ದರೆ ಅದಕ್ಕೂ ವಿಜ್ಞಾನಿಗಳು ಉತ್ತರ ಕಂಡುಕೊಂಡಿದ್ದಾರೆ.
ಜರ್ಮನಿಯ ಯುನಿವರ್ಸಿಟಿ ಆಫ್ ಬೋನ್ ನ ತಜ್ಞರು ಸ್ಪ್ರೇವೊಂದನ್ನು ತಯಾರಿಸಿದ್ದು, ಇದು ಮಹಿಳೆಯರನ್ನು ಆಕರ್ಷಿಸಲು ಸಹಾಯ ಮಾಡುತ್ತದೆ.
ಲವ್ ಹಾರ್ಮೋನ್ ಆಕ್ಸಿಟೋಸಿನ್ ಹೊಂದಿರುವ ಈ ನಾಸಲ್ ಸ್ಪ್ರೇ (Nasal Spray) ಮಹಿಳೆಯರು ಉಚ್ವಾಸ ಮಾಡಿದರೆ, ಅಂಥವರು ತಮ್ಮ ಸಂಗಾತಿಯತ್ತ ಆಕರ್ಷಿತರಾಗುತ್ತಾರಂತೆ. ಈ ಸ್ಪ್ರೇಯಿಂದಾಗಿ ಮಹಿಳೆಯರಿಗೆ ತಮ್ಮ ಸಂಗಾತಿ ಶೇ. 15 ದಷ್ಟು ಸುಂದರವಾಗಿ, ಆಕರ್ಷಕವಾಗಿ ಕಾಣುತ್ತಾರಂತೆ.
ಇಬ್ಬರು ವ್ಯಕ್ತಿಗಳಲ್ಲಿ ಪ್ರೀತಿ ಮೂಡಿದಾಗ ಸ್ರವಿಸಲ್ಪಡುವ ಆಕ್ಸಿಟೋಸಿನ್ ಅಂಶವಿರುವ ಸಿಂಟಾಸಿನನ್ ಈ ಸ್ಪ್ರೇಯಲ್ಲಿದೆ. ಆದ್ದರಿಂದಲೇ ಸಂಗಾತಿಗಳಲ್ಲಿ ಪರಸ್ಪರ ಆಕರ್ಷಣೆ ಮತ್ತು ಒಲವು ಮೂಡಲು ಇದು ಸಹಾಯ ಮಾಡುತ್ತದೆ ಎಂದು ತಜ್ಞರು ಹೇಳಿದ್ದಾರೆ.
