ರಾಜಸ್ತಾನ ಮೂಲದ ಮೂವರು ಪಿಜಿ ಹಾಸ್ಟೆಲ್ ನಲ್ಲಿದ್ದು ಮಹದೇವಪುರದ ಕಾಲ್ ಸೆಂಟರ್ ನಲ್ಲಿ ಕೆಲಸ ಮಾಡುತ್ತಿದ್ದರು. ಬುಧವಾರ ವಾರದ ರಜೆ ಇದ್ದ ಕಾರಣ ಮೂವರು ಸ್ಕೂಟರ್ ನಲ್ಲಿ ನಂದಿ ಬೆಟ್ಟಕ್ಕೆ ತೆರಳಿದ್ದರು,. ಸುಹಾನೋ ಹೊಂಡಾ ಆ್ಯಕ್ಟೀವಾ ಓಡಿಸುತ್ತಿದ್ದ , ಆತನ ಸಹೋದ್ಯೋಗಿಗಳು ಸೆಲ್ಫೀ ತೆಗೆಯುತ್ತಿದ್ದರು. ಈ ವೇಳೆ ತಾನು ಕೂಡ ಸೆಲ್ಫೀ ತೆಗೆಯುವುದಾಗಿ ಮೊಬೈಲ್ ಕೇಳಿದ್ದಾನೆ, ತನ್ನ ಎಡಗೈಯಲ್ಲಿ ಮೊಬೈಲ್ ಹಿಡಿದು ಸೆಲ್ಫೀ ತೆಗೆಯಲು ಪ್ರಯತ್ನಿಸುವಾಗ ಸುಹಾನೋ ಮುಂದೆ ಹೋಗುತ್ತಿದ್ದ ಕ್ಯಾಬ್ ಗೆ ಡಿಕ್ಕಿ ಹೊಡೆದಿದ್ದಾನೆ. ಕೆಳಗೆ ಬಿದ್ದ ಕೂಡಲೇ ಆತ ಧರಿಸಿದ್ದ ಹೆಲ್ಮೆಟ್ ಹೊರ ಬಂದಿದೆ, ತಲೆಗೆ ಗಾಯಗಳಾದ ಪರಿಣಾಮ ಆತ ಸ್ಥಳದಲ್ಲಿಯೇ ಮೃತ ಪಟ್ಟಿದ್ದಾನೆ ಎಂದು ಪ್ರತ್ಯಕ್ಷ ದರ್ಶಿಗಳು ತಿಳಿಸಿದ್ದಾಗಿ ಪೊಲೀಸರು ಹೇಳಿದ್ದಾರೆ.