ರಾಯಚೂರು: ಪುಂಡ ಯುವಕರು ಸಾಮಾಜಿಕ ಜಾಲತಾಣ ಫೇಸ್ ಬುಕ್ ನಲ್ಲಿ ಯುವತಿಯ ಫೋಟೋ ಹಾಕಿದ್ದರಿಂದ ಮನನೊಂದು ಯುವತಿ ಮತ್ತು ಆಕೆಯ ತಂದೆ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಮಸ್ಕಿ ತಾಲೂಕಿನ ಗೌಡನಬಾವಿ ಗ್ರಾಮದಲ್ಲಿ ನಡೆದಿದೆ.
ಗೌಡನ ಗ್ರಾಮದ 20 ವರ್ಷದ ಬಸಲಿಂಗಮ್ಮ ಹಾಗೂ ಆಕೆಯ ತಂದೆ 55 ವರ್ಷದ ರಾಮನಗೌಡ ಆತ್ಮಹತ್ಯೆ ಶರಣಾದ ದುರ್ದೈವಿಗಳು. ಗ್ರಾಮದ ಕೆಲ ಪುಂಡ ಯುವಕರು ಬಸಲಿಂಗಮ್ಮಳ ಫೋಟೋವನ್ನು ಫೇಸ್ ಬುಕ್ ಗೆ ಅಪ್ ಲೋಡ್ ಮಾಡಿದ್ದರು.
ಇದನ್ನು ಕಂಡ ಬಸಲಿಂಗಮ್ಮ ಕಡೆಯವರು ಪುಂಡ ಹುಡುಗರನ್ನು ಪ್ರಶ್ನಿಸಿದಾಗ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಇದರಿಂದ ಮನನೊಂದು ತಂದೆ ನೇಣು ಹಾಕಿಕೊಂಡರೇ, ಬಸಲಿಂಗಮ್ಮ ವಿಷ ಸೇವಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಗ್ರಾಮದಲ್ಲಿ ಬೂದಿ ಮುಚ್ಚಿದ ಕೆಂಡದಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.
ಬಳಗಾನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಪುಂಡ ಹುಡುಗರ ಬಂಧನ ಜಾಲ ಬೀಸಿದ್ದಾರೆ.
