ಧಾರವಾಡ:ಸೋಷಿಯಲ್ ಮೀಡಿಯಾದಲ್ಲಿ ಪಾಕಿಸ್ತಾನ ಪರ ಸ್ಟೇಟಸ್ ಹಾಕಿ ಧಾರವಾಡದ ಯುವಕನೊಬ್ಬ ತೊಂದರೆಗೆ ಸಿಕ್ಕಿಹಾಕಿಕೊಂಡಿದ್ದಾನೆ.
ಧಾರವಾಡ ಜಿಲ್ಲೆಯ ಅಲ್ನವರ್ ನ ಮಂಕವಾಡದ ಯುವಕ ಶೈಲ್ ತನ್ನ ಸೋಷಿಯಲ್ ಮೀಡಿಯಾ ಅಕೌಂಟ್ ನ ಸ್ಟೇಟಸ್ ನಲ್ಲಿ ವಿಡಿಯೊವೊಂದನ್ನು ಹಾಕಿದ್ದ. ಅದರ ಹಿನ್ನಲೆಯಲ್ಲಿ ಪಾಕಿಸ್ತಾನ ಧ್ವಜದ ಚಿತ್ರವಿತ್ತು.
ಆತನ ಸ್ಟೇಟಸ್ ವಿಡಿಯೊವನ್ನು ಹಲವು ಸ್ನೇಹಿತರು ವೀಕ್ಷಿಸಿ ಫಾರ್ವರ್ಡ್ ಮಾಡಿದ್ದರು. ಅದು ಅಲ್ನವರ್ ಪಟ್ಟಣದಲ್ಲಿ ವೈರಲ್ ಆಗಿ ವಿಎಚ್ ಪಿ ಸಂಘಟನೆಯವರ ಕೈಗೆ ಸಿಕ್ಕಿತು. ಕೂಡಲೇ ವಿಎಚ್ ಪಿ ಕಾರ್ಯಕರ್ತರು ಪೊಲೀಸರಿಗೆ ದೂರು ನೀಡಿದರು.
ಕೂಡಲೇ ಪೊಲೀಸರು ಯುವಕನನ್ನು ವಶಕ್ಕೆ ತೆಗೆದುಕೊಂಡು ಕಸ್ಟಡಿಗೊಪ್ಪಿಸಿದರು. ಇದೀಗ ತನಿಖೆ ನಡೆಸುತ್ತಿದ್ದು ಆತನ ವಿರುದ್ಧ ಯಾವ ಕೇಸು ದಾಖಲಿಸುತ್ತಾರೆ ಎಂಬುದು ತಿಳಿದುಬಂದಿಲ್ಲ.
