ದಕ್ಷಿಣ ಕನ್ನಡ: ಎಂಡೋಸಲ್ಫಾನ್ ಪೀಡಿತನೊಂದಿಗೆ ಬಲವಂತದ ಅಸಹಜ ಲೈಂಗಿಕ ಕ್ರಿಯೆ; ವ್ಯಕ್ತಿ ಬಂಧನ

ಪುತ್ತೂರು: ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ತಾಲ್ಲೂಕಿನ 20 ವರ್ಷದ ಪುರುಷ ಎಂಡೋಸಲ್ಫಾನ್ ಸಂತ್ರಸ್ತನನ್ನು ಅದೇ ಗ್ರಾಮದ ಬೇರೆ ಸಮುದಾಯದ ವ್ಯಕ್ತಿ ಅಸಹಜ ಲೈಂಗಿಕತೆಗೆ ಒತ್ತಾಯಿಸಿದ ಘಟನೆ ವರದಿಯಾಗಿದೆ.

ಸಂತ್ರಸ್ತೆ ಸಂಜೆ 6 ಗಂಟೆ ವೇಳೆಗೆ ವಾಕಿಂಗ್ ಗೆ ತೆರಳಿದ್ದನು. ವಾಪಸ್ಸಾದಾಗ ವ್ಯಕ್ತಿಯ ಬಟ್ಟೆ ಮಣ್ಣಾಗಿರುವುದನ್ನು ಕಂಡ ತಂದೆ ಈ ಬಗ್ಗೆ ವಿಚಾರಿಸಿದ್ದಾರೆ. ತನಗೆ ಪರಿಚಯವಿರುವ ಮೊಹಮ್ಮದ್ ಹನೀಫ್ ಎಂಬಾತ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂದು ಆತ ಘಟನೆಯನ್ನು ವಿವರಿಸಿದ್ದಾನೆ.

ಮುರ ರೈಲ್ವೆ ಕ್ರಾಸ್ ಬಳಿ ತೆರಳುತ್ತಿದ್ದಾಗ ಮೊಹಮ್ಮದ್ ಹನೀಫ್ ಸಂತ್ರಸ್ತನಿಗೆ ಕಬ್ಬು ಕೊಡಿಸುವುದಾಗಿ ಆಮಿಷವೊಡ್ಡಿದ್ದಾನೆ ಹಾಗೂ ಪೊದೆಗೆ ಕರೆದೊಯ್ದಿದ್ದಾನೆ. ಈ ವೇಳೆ ಲೈಂಗಿಕ ಕ್ರಿಯೆಗೆ ಆತ ನಿರಾಕರಿಸಿದ್ದರಿಂದ ಮೊಹಮ್ಮದ್ ಹನೀಫ್ ಸಂತ್ರಸ್ತ ಯುವಕನಿಗೆ ಥಳಿಸಿ ಒತ್ತಾಯಪೂರ್ವಕವಾಗಿ ಅತ್ಯಾಚಾರವೆಸಗಿದ್ದಾನೆ. ಈ ಘಟನೆಯನ್ನು ಮನೆಯಲ್ಲಿ ತಿಳಿಸಿದರೆ ಹತ್ಯೆ ಮಾಡುವುದಾಗಿಯೂ ಹನೀಫ್ ಬೆದರಿಕೆ ಹಾಕಿದ್ದಾನೆ.

ಹನೀಫ್ ವಿರುದ್ಧ ಪುತ್ತೂರು ಪೊಲೀಸರು ಸೆಕ್ಷನ್ 504 (ಉದ್ದೇಶಪೂರ್ವಕ ಅವಮಾನ, ಶಾಂತಿ ಭಂಗ) ಆರೋಪದಡಿ ಹಾಗೂ ಸೆಕ್ಷನ್ 323 ರ ಪ್ರಕಾರ (ಸ್ವಯಂ ಪ್ರೇರಿತವಾಗಿ ನೋವುಂಟುಮಾಡುವುದು) ಸೆಕ್ಷನ್ 377 ಅಸಹಜ ಅಪರಾಧ ಸೆಕ್ಷನ್ 506 (ಕ್ರಿಮಿನಲ್ ಬೆದರಿಕೆ) ಆರೋಪಗಳನ್ನು ಹೊರಿಸಿ ಪ್ರಕರಣ ದಾಖಲಿಸಿದ್ದಾರೆ.