ನವದೆಹಲಿ: ಬೆಂಗಳೂರಿನ ಜಾಲಹಳ್ಳಿಯಲ್ಲಿರುವ ವಾಯುಪಡೆಯ ತಾಂತ್ರಿಕ ಕಾಲೇಜಿನ (ಎಎಫ್ಟಿಸಿ) ಕೊಠಡಿಯಲ್ಲಿ ಶವವಾಗಿ ಪತ್ತೆಯಾಗಿದ್ದ ಅಂಕಿತ್ ಕುಮಾರ್ ಝಾ ಅವರನ್ನು ದುರ್ನಡತೆಯ ಹಿನ್ನೆಲೆಯಲ್ಲಿ ವಜಾಗೊಳಿಸಲಾಗಿತ್ತು ಭಾರತೀಯ ವಾಯುಪಡೆ ತಿಳಿಸಿದೆ.
ಮಹಿಳಾ ತರಬೇತಿ ಅಧಿಕಾರಿಯೊಂದಿಗೆ ಅನುಚಿತ ವರ್ತನೆ ತೋರಿದ್ದಾರೆಂದು ದೂರುದಾಖಲಾದ ಬಳಿಕ ಅಂಕಿತ್ ಕುಮಾರ್ ಅವರನ್ನು ಸೆಪ್ಟಂಬರ್ 20, 2022 ರಂದು ಅವರನ್ನು ಸೇವೆಯಿಂದ ವಜಾಗೊಳಿಸಲಾಗಿತ್ತು.
ಜೂನ್ 30 ರಂದು ಯುಟಿಎಫ್ಒ ವಿರುದ್ಧ ಸಹ ಮಹಿಳಾ ಟ್ರೈನಿ ಅಧಿಕಾರಿಯ ದೂರಿನ ನಂತರ ಸ್ಥಾಪಿಸಲಾದ ಆಂತರಿಕ ವಿಚಾರಣೆ (COI) ಮಾಡಿದ ಶಿಫಾರಸುಗಳ ಪರಿಣಾಮವಾಗಿ ತರಬೇತಿಯನ್ನು ಮುಕ್ತಾಯಗೊಳಿಸಲಾಗಿದೆ ಎಂದು ಐಎಎಫ್ ತಿಳಿಸಿದೆ.
ಯುಟಿಎಫ್ಒ ಕೆಲವು ದುರ್ನಡತೆಯ ಕೃತ್ಯಗಳನ್ನು ಮಾಡಿರುವುದು ಎಂದು ದೃಢಪಟ್ಟಿದೆ. ಈ ವಿಷಯದ ಬಗ್ಗೆ ಸ್ಥಾಪಿತ ಕಾರ್ಯವಿಧಾನದ ಪ್ರಕಾರ, ವಾಯುಪಡೆಯ ಪ್ರಧಾನ ಕಚೇರಿಯಲ್ಲಿ ಅನುಮೋದಿಸುವ ಮೊದಲು ವಿಚಾರಣೆಯ ಪ್ರಕ್ರಿಯೆಗಳನ್ನು ಅನೇಕ ಹಂತಗಳಲ್ಲಿ ಸರಿಯಾಗಿ ಪರಿಶೀಲಿಸಲಾಗಿದೆ ಎಂದು ವಾಯುಪಡೆ ಹೇಳಿದೆ.
ಅಸ್ತಿತ್ವದಲ್ಲಿರುವ ನಿಯಮ ಪ್ರಕಾರ, ಅಂಕಿತ್ ಝಾ ಅವರ ಪೋಷಕರಿಗೆ ಈ ದುರದೃಷ್ಟಕರ ಘಟನೆಯ ಸುದ್ದಿಯನ್ನು ನವದೆಹಲಿಯಲ್ಲಿ ತಿಳಿಸಲು ಐಎಎಫ್ ಅಧಿಕಾರಿಯನ್ನು ನಿಯೋಜಿಸಲಾಗಿದೆ. ಸೆಪ್ಟೆಂಬರ್ 23ರಂದು ಮರಣೋತ್ತರ ಪರೀಕ್ಷೆ ನಡೆಸಲಾಗಿದ್ದು, ವರದಿಗಾಗಿ ಕಾಯಲಾಗುತ್ತಿದೆ. ಯುಟಿಎಫ್ಒ ನ ಸಾವಿಗೆ ಕಾರಣ ಬಗ್ಗೆ ವಾಯುಪಡೆಯಿಂದ ಆಂತರಿಕ ವಿಚಾರಣೆ ನಡೆಯುತ್ತಿದೆ ಎಂದು ಅದು ಹೇಳಿದೆ. ಸೆಪ್ಟೆಂಬರ್ 24 ರಂದು, ಅವರ ಸಂಬಂಧಿಕರು ಎಎಫ್ಟಿಸಿ ಗೆ ಭೇಟಿ ನೀಡಿದರು. ಘಟನೆಯ ಬಗ್ಗೆ ಅವರಿಗೆ ಮಾಹಿತಿ ನೀಡಲಾಯಿತು.
ಭಾರತೀಯ ವಾಯುಪಡೆಯು ದುರದೃಷ್ಟಕರ ಜೀವಹಾನಿಗೆ ಸಂತಾಪ ವ್ಯಕ್ತಪಡಿಸುತ್ತದೆ. ದುಃಖದ ಸಮಯದಲ್ಲಿ ಅವರ ಕುಟುಂಬಕ್ಕೆ ಶಕ್ತಿಯನ್ನು ನೀಡುವಂತೆ ಪ್ರಾರ್ಥಿಸುತ್ತದೆ. ಈ ಬಗ್ಗೆ ಪೊಲೀಸರು ನಡೆಸುತ್ತಿರುವ ತನಿಖೆಗೆ ಐಎಎಫ್ ಸಹಕಾರ ನೀಡುತ್ತಿದೆ.
“ಯುಟಿಎಫ್ಒ ಸಾವಿಗೆ ಕಾರಣವಾದ ಸನ್ನಿವೇಶಗಳನ್ನು ಸ್ಥಾಪಿಸಲು ಐಎಎಫ್ನಿಂದ ವಿಚಾರಣೆಯ ನ್ಯಾಯಾಲಯವು ನಡೆಯುತ್ತಿದೆ” ಎಂದು ಅದು ಹೇಳಿದೆ, ಈ ವಿಷಯದ ಬಗ್ಗೆ ಪೊಲೀಸರು ನಡೆಸುತ್ತಿರುವ ತನಿಖೆಗೆ ಐಎಎಫ್ ಸಹಕರಿಸುತ್ತಿದೆ ಎಂದು ಅದು ಹೇಳಿದೆ.
Advertisement