ನೋಟು ಅಮಾನ್ಯೀಕರಣದ ನಂತರ ಹೊಸ ಕರೆನ್ಸಿಯ ದರೋಡೆ; 11 ಆರೋಪಿಗಳಿಗೆ 6 ವರ್ಷಗಳ ಶಿಕ್ಷೆ ವಿಧಿಸಿದ ವಿಶೇಷ ಕೋರ್ಟ್

ಬೆಂಗಳೂರು: ನೋಟು ಅಮಾನ್ಯೀಕರಣದ (demonetisation) ನಂತರ ಪರಿಚಯಿಸಲಾದ 2,000 ರೂಪಾಯಿಗಳ ಹೊಸ ನೋಟುಗಳನ್ನು ಲೂಟಿ ಮಾಡಲು ಸಿನಿಮಾ ಶೈಲಿಯಲ್ಲಿ ಡಕಾಯಿತಿಯಲ್ಲಿ ತೊಡಗಿ ಬಂಧಿತರಾಗಿದ್ದ 11 ಆರೋಪಿಗಳಿಗೆ ಸಿಬಿಐ ಮತ್ತು ಇಡಿ ಪ್ರಕರಣಗಳ ವಿಶೇಷ ನ್ಯಾಯಾಲಯವು ಕಠಿಣ ಜೈಲು ಶಿಕ್ಷೆ ಮತ್ತು ತಲಾ 65,000 ರೂ ದಂಡ ವಿಧಿಸಿದೆ.

ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ಕಿರುಗಾವಲು ಪೊಲೀಸ್ ಠಾಣೆಯಲ್ಲಿ ದಾಖಲಾಗಿರುವ ಅಪರಾಧ ಪ್ರಕರಣದಲ್ಲಿ ಆರೋಪಿಗಳಿಂದ ವಶಪಡಿಸಿಕೊಂಡ 54.11 ಲಕ್ಷ ರೂ.ಗಳನ್ನು ಜಪ್ತಿ ಮಾಡುವಂತೆ ನ್ಯಾಯಾಧೀಶ ಎಚ್.ಎ.ಮೋಹನ್ ಅವರು ರಾಜ್ಯ ಸರ್ಕಾರಕ್ಕೆ ಸೂಚಿಸಿದರು.

ಟಿ.ನರಸೀಪುರ ತಾಲೂಕು ಹಾಗೂ ಕಿರುಗಾವಲು ಹೋಬಳಿಯ ರಾಮಂದೂರು ಗ್ರಾಮದ ದಿಲೀಪ್, ಆನಂದ ಡಿ.ಬಿ., ರಾಜೇಶ್ ಡಿ.ಎಂ., ಆನಂದ, ಉಮೇಶ್ ಆರ್.ಕೆ., ಚನ್ನಕೇಶವ ಸಿ., ಚಲುವರಾಜುಲು ಸಿ.ಎಸ್., ಮಹದೇವಸ್ವಾಮಿ ಡಿ.ಆರ್., ಪುರುಷೋತ್ತಮ ಡಿ.ಆರ್., ರಾಮಲಿಂಗ ಮತ್ತು ಬಾಬು ಡಿ.ಜಿ ಎಂಬ ಅಪರಾಧಿಗಳಿಗೆ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ.

“ಆರೋಪಿಗಳು ಹಳ್ಳಿಗರು ಮತ್ತು ಕೃಷಿ ಹಿನ್ನೆಲೆಯಿಂದ ಬಂದವರು ಮತ್ತು ಅವರು ಆರ್ಥಿಕವಾಗಿ ಅಷ್ಟು ಸದೃಢರಲ್ಲ ಎಂಬುದು ಸತ್ಯ, ಆದ್ದರಿಂದ ಅವರ ವಿರುದ್ಧ ಸುಳ್ಳು ತನಿಖಾ ವರದಿಯನ್ನು ಸಲ್ಲಿಸಲು ಪೊಲೀಸರಿಗೆ ಯಾವುದೇ ಅವಕಾಶವಿಲ್ಲ, ಅದೂ ಕೂಡ ಈ ರೀತಿಯ ಪ್ರಕರಣ. ಚಾಲ್ತಿಯಲ್ಲಿರುವ ಸಂದರ್ಭಗಳನ್ನು ಗಮನದಲ್ಲಿಟ್ಟುಕೊಂಡು ಈ ರೀತಿಯ ವಿಧಾನವನ್ನು ಅನುಸರಿಸುವ ಮೂಲಕ ತಪ್ಪು ಲಾಭವನ್ನು ಪಡೆಯುವ ಯೋಜನೆಯನ್ನು ರೂಪಿಸಲು ಅವರ ಬಡತನವೇ ಕಾರಣವೆಂದು ತೋರುತ್ತದೆ.

ಆದರೆ ಈ ಆರೋಪಿಗಳ ಕಡೆಯಿಂದ ಮಾಡಿದ ಕೃತ್ಯವನ್ನು ನ್ಯಾಯಾಲಯವು ಒಪ್ಪಿಕೊಳ್ಳುವುದಿಲ್ಲ ಎಂದು ಖಾರವಾಗಿ ಹೇಳಿದೆ. ಅಂತೆಯೇ ನ್ಯಾಯಯುತ ವಿಚಾರಣೆಗಾಗಿ ಪಬ್ಲಿಕ್ ಪ್ರಾಸಿಕ್ಯೂಟರ್ ನಿರ್ಮಲ್ ರಾಣಿ ಟಿಸಿ ಅವರ ಪ್ರಯತ್ನಗಳನ್ನು ನ್ಯಾಯಾಲಯವು ಶ್ಲಾಘಿಸಿತು.

ಸಂತ್ರಸ್ಥರಿಗೂ ಕೋರ್ಟ್ ಚಾಟಿ

ಸಾಕ್ಷಿದಾರರು, ಹಣ ಕಳೆದುಕೊಂಡವರು ಸಮಾನ ಜವಾಬ್ದಾರರು, ಆದರೆ ಅವರ ವಿರುದ್ಧ ದೂರು ದಾಖಲಾಗಿಲ್ಲ. ಆದರೆ ಅವರು ಕೇಂದ್ರ ಸರ್ಕಾರದ ನಿರ್ಧಾರವನ್ನು ತಪ್ಪಾಗಿ ಲಾಭ ಮಾಡಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಹೀಗಾಗಿ ಅವರು ಕಳೆದುಕೊಂಡ ಮೊತ್ತವನ್ನು ಮರಳಿ ಪಡೆಯಲು ಅರ್ಹರಲ್ಲ. ಅವರ ಅಕ್ರಮಕ್ಕಾಗಿ ಅವರಿಗೂ ಸಹ ಶಿಕ್ಷೆಯಾಗಬೇಕು ಎಂದು ಕೋರ್ಟ್ ಹೇಳಿದೆ.

ಏನಿದು ಪ್ರಕರಣ?

ನೋಟು ಅಮಾನ್ಯೀಕರಣದ ನಂತರ, ಆರೋಪಿಗಳು 1,000 ರೂಪಾಯಿಗಳ ನೋಟುಗಳನ್ನು ಸಂಗ್ರಹಿಸಿ, 1,000 ರೂಪಾಯಿಗಳ ನೋಟುಗಳನ್ನು ತಯಾರಿಸಿ, ಅವುಗಳನ್ನು ಅಮಾನ್ಯಗೊಂಡ ಕರೆನ್ಸಿ ನೋಟುಗಳು ಎಂದು ನಂಬುವಂತೆ ಮಾಡಲು ಅಸಲಿ ಎಂದು ಸೂಟ್ ಕೇಸ್ ನಲ್ಲಿ ಇರಿಸಿದ್ದರು. ಈ ನೋಟುಗಳನ್ನು ತೋರಿಸಿ ಹೊಸ ಕರೆನ್ಸಿ ನೋಟುಗಳನ್ನು ನೀಡಿದರೆ 20% ಹೆಚ್ಚುವರಿ ಹಣ ನೀಡುವುದಾಗಿ ಭರವಸೆ ನೀಡಿದರು.

2016ರ ಡಿಸೆಂಬರ್ 12ರಂದು ಆರೋಪಿಗಳಲ್ಲಿ ಒಬ್ಬ ಆರೋಪಿಯು 67 ಲಕ್ಷ ರೂ ಮೌಲ್ಯದ ಹೊಸ 2000 ರೂ.ಗಳ ನೋಟುಗಳನ್ನು ಬೈಕ್ ನಲ್ಲಿ ಹೇರಿಕೊಂಡು ಹಳೆ ಕರೆನ್ಸಿ ನೀಡುವ ನೆಪದಲ್ಲಿ ಇತರ ಆರೋಪಿಗಳು ಕಾಯುತ್ತಿದ್ದ ಕಾರಿನ ಬಳಿ ಡ್ರಾಪ್ ಮಾಡಿದ್ದರು. ಕಿರುಗಾವಲು ಪೊಲೀಸ್ ಠಾಣೆ ವ್ಯಾಪ್ತಿಯ ರಾಮಂದೂರು ಬಳಿ ಬಂದ ಕಾರಿನಲ್ಲಿ ಸಾಕ್ಷಿಗಳನ್ನು ಕರೆದುಕೊಂಡು ಹೋಗಿದ್ದಾರೆ.

ಅಲ್ಲಿಯೇ ಕಾಯುತ್ತಿದ್ದ ಇತರ ಆರೋಪಿಗಳು ಕಾರಿನ ವೇಗವನ್ನು ಕಡಿಮೆ ಮಾಡಲು ಟ್ರ್ಯಾಕ್ಟರ್ ಅನ್ನು ಮೊದಲು ತಂದು ಮುಂಭಾಗದ ಗಾಜಿನ ಮೇಲೆ ಮೊಟ್ಟೆಗಳನ್ನು ಎಸೆದು, ಅವರ ಮೇಲೆ ಮೆಣಸಿನ ಪುಡಿಯನ್ನು ಎಸೆದು ಹೊಸ ಕರೆನ್ಸಿಯ ಬ್ಯಾಗ್ ಅನ್ನು ಕಸಿದುಕೊಂಡು ಹೋಗಿದ್ದಾರೆ.

ಬಳಿಕ ಈ ಪ್ರಕರಣ ಪೊಲೀಸ್ ಠಾಣೆ ಮೆಟ್ಟಿಲೇರಿ ಎಲ್ಲ ಆರೋಪಿಗಳನ್ನು ಬಂಧಿಸಲಾಗಿತ್ತು. ಇದೀಗ ಎಲ್ಲ ಆರೋಪಿಗಳಿಗೆ ಶಿಕ್ಷೆಯಾಗಿದೆ.