ಫೇಸ್‌ಬುಕ್ ನಿಂದ ಐಐಟಿ ವಿದ್ಯಾರ್ಥಿಗಳಿಗೆ ರು. 1.55 ಕೋಟಿ ವೇತನ!

ನವದೆಹಲಿ: ಆರ್ಥಿಕ ಹಿಂಜರಿತದಿಂದಾಗಿ ಕಳೆಗುಂದಿದ್ದ ಉದ್ಯೋಗ ಮಾರುಕಟ್ಟೆ ಮತ್ತೆ ಚಿಗಿತುಕೊಂಡಿದೆ. ಇಂಡಿಯನ್ ಇನ್ಸ್‌ಟಿಟ್ಯೂಟ್ಸ್ ಆಫ್ ಟೆಕ್ನಾಲಜಿಯ ವಿದ್ಯಾರ್ಥಿಗಳಿಗೀಗ ಶುಕ್ರದೆಸೆ ಆರಂಭವಾಗಿದೆ.

ಸಾಮಾಜಿಕ ಜಾಲತಾದ ದೈತ್ಯ ಫೇಸ್‌ಬುಕ್ ಮುಂಬೈ ಮತ್ತು ಖರಗ್‌ಪುರ ಐಐಟಿಯ ವಿದ್ಯಾರ್ಥಿಗಳನ್ನು ವಾರ್ಷಿಕ 1.55 ಕೋಟಿ ರುಪಾಯಿ ವೇತನಕ್ಕೆ ಸಹಿ ಹಾಕಿಸಿಕೊಂಡಿದೆ. ಇವರಲ್ಲಿ ಮೂವರು ಐಐಟಿ ಖರಗ್‌ಪುರದವರಾದರೆ, ಉಳಿದವರು ಬಾಂಬೆ ಐಐಟಿಯವರು. ಈ ವೇತನದಲ್ಲಿ ಅಮೆರಿಕದ ಕ್ಯಾಲಿಪೋರ್ನಿಯಾದಲ್ಲಿ ಪೋಸ್ಟಿಂಗ್, ಬೋನಸ್, ಟ್ರಾನ್ಸ್‌ಪೋರ್ಟ್ ವೆಚ್ಚಗಳೆಲ್ಲ ಸೇರಿವೆ. ಇದು ಹಲವು ವರ್ಷಗಳ ಬಳಿಕ ಐಐಟಿಯ ವಿದ್ಯಾರ್ಥಿಗಳಿಗೆ ಸಿಗುತ್ತಿರುವ ಅತಿ ಹೆಚ್ಚಿನ ವೇತನವಾಗಿದೆ.

ಇದಲ್ಲದೆ ಸ್ಯಾಮ್‌ಸಂಗ್ 93 ಲಕ್ಷ, ಮೈಕ್ರೋಸಾಫ್ಟ್ 80 ಲಕ್ಷ, ಒರಾಕಲ್ 78 ಲಕ್ಷ, ಗೂಗಲ್ 78 ಲಕ್ಷ, ವೀಸಾ 87 ಲಕ್ಷ ರುಪಾಯಿ ವೇತನದ ಆಫರ್ ನೀಡಲಾಗಿದೆ.