ರೈಲ್ವೇ ಸೇವೆ ಅಧಿಕಾರಿ ಲೊಹಾನಿ ಏರ್ ಇಂಡಿಯಾಗೆ ಸಿಎಂಡಿ

ನವದೆಹಲಿ: ಅಚ್ಚರಿಯ ಬೆಳವಣಿಗೆಯೊಂದರಲ್ಲಿ, ಇದೇ ಮೊದಲ ಬಾರಿಗೆ ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ 1980ನೇ  ಬ್ಯಾಚ್ ನ ಭಾರತೀಯ ರೈಲ್ವೆ ಸೇವೆಯ ಹಿರಿಯ ಅಧಿಕಾರಿ ಅಶ್ವನಿ ಲೊಹಾನಿ  ಅವರನ್ನು
ನೇಮಿಸಲಾಗಿದೆ. ಸದ್ಯ ಅವರು ಮಧ್ಯಪ್ರದೇಶ ಪ್ರವಾಸೋದ್ಯಮಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಹಾಲಿ ಮುಖ್ಯಸ್ಥ ರೋಹಿತ್ ಸಂದನ್ರ ವಿಸ್ತರಿತ ಒಂದು ವರ್ಷದ  ಅವಧಿ ಮುಂದಿನ ತಿಂಗಳು ಮುಕ್ತಾಯವಾಗಲಿದೆ. ಕೇಂದ್ರ ಸಂಪುಟದ ನೇಮಕ ಸಮಿತಿ (ಎಸಿಸಿ) ಈ ಬಗ್ಗೆ ಸಮ್ಮತಿ ಸೂಚಿಸಿದೆ. ಅವರ ಅಧಿಕಾರದ ಅವಧಿ ಮೂರು ವರ್ಷ. ಅಂದಹಾಗೆ ಏರ್ ಇಂಡಿಯಾ ರು.30 ಸಾವಿರ ಕೋಟಿಯಷ್ಟು ನಷ್ಟದಲ್ಲಿದೆ.ಅಶ್ವನಿ ಲಹೋನಿ ಮೂಲತಃ  ಮೆಕಾನಿಕಲ್  ಎಂಜಿನಯರ್.  ಇಂಡಿಯನ್ ಸ್ಟೀಮ್  ರೈಲ್ವೆ ಸೊಸೈಟಿ ಸ್ಥಾಪಕ ಸದಸ್ಯರು. ಚಾರ್ಟರ್ಡ್ ಇನ್ ಸ್ಟಿಟ್ಯೂಟ್ ಆಫ್ ಲಾಜಿಸ್ಟಿಕ್ ಆ್ಯಂಡ್ ಟ್ರಾನ್ಸ್ ಪೋರ್ಟ್ನ  ಫಲೋಆಗಿದ್ದಾರೆ. ಭಾರತೀಯ ಕೈಗಾರಿಕಾ ಒಕ್ಕೂಟ (ಸಿಐಐ)ದ  ಪ್ರವಾಸೋದ್ಯಮ ಮಂಡಳಿಯ ಮಂಡಳಿಯ ಸದಸ್ಯರಾಗಿದ್ದಾರೆ ಲೊಹಾನಿ. ಹವ್ಯಾಸಿ ಲೇಖಕರಾಗಿರುವ  ಅವರು ವಿನ್ನಿಂಗ್ ಅಟ್ ವರ್ಕ್ ಎಗೆನೆಸ್ಟ್ ಆಲ್ ಆಡ್ಸ್'',`` ಸ್ಮೋಕಿಂಗ್ ಬ್ಯೂಟೀಸ್'' ಎಂಬ ಕೃತಿಗಳನ್ನು ರಚಿಸಿದ್ದಾರೆ.