ನ್ಯೂಯಾರ್ಕ್: ಆಶ್ಚರ್ಯಕರ ಬೆಳವಣಿಗೆಯೊಂದರಲ್ಲಿ ಮನರಂಜನೆಯ ದೈತ್ಯ ಡಿಸ್ನಿ ವಾಲ್ಟ್ ತನ್ನ 250 ಅಮೆರಿಕಾ ನೌಕರರನ್ನು ವಜಾಗೊಳಿಸಿ, ಆ ಹುದ್ದೆಗಳಿಗೆ ಎಚ್ 1-ಬಿ ವೀಸಾ ಹೊಂದಿರುವ ಭಾರತೀಯರನ್ನು ನೇಮಕ ಮಾಡಿದೆ.
ಹೊರಗುತ್ತಿಗೆ ಕಂಪನಿಗಳು ತಾತ್ಕಾಲಿಕ ವೀಸಾ ಬಳಸಿಕೊಂಡು ಹೇಗೆ ಭಾರತೀಯರನ್ನು ನೇಮಿಸಿದ್ದರ ಬಗ್ಗೆ ಎಲ್ಲೆಡೆ ಚರ್ಚೆ ನಡೆಯುತ್ತಿದೆ. ತಾತ್ಕಾಲಿಕ ನೌಕರಿ ವೀಸಾ ಪಡೆದಿರುವವರಿಗೆ ಉದ್ಯೋಗ ನೀಡಿರುವ ಬಗ್ಗೆ ಕಾಂಗ್ರೆಸ್ ಚರ್ಚೆ ನಡೆಸಿದೆ.
ಸುಮಾರು 250 ಅಮೆರಿಕಾ ನೌಕರರನ್ನು ವಜಾಗೊಳಿಸಿರುವ ಡಿಸ್ನಿ ಭಾರತ ಮೂಲದ ಉದ್ಯೋಗಿಗಳನ್ನು ಹೊರಗುತ್ತಿಗೆ ಮೂಲಕ ನೇಮಿಸಿಕೊಳ್ಳಲಾಗಿದೆ ಎಂದು ಕಳೆದ ವರ್ಷ ಅಕ್ಟೋಬರ್ ನಲ್ಲಿ ಡಿಸ್ನಿ ಉದ್ಯೋಗಿಗಳು ತಿಳಿಸಿದ್ದರು.
ಕಡಿಮೆ ಸಂಬಳಕ್ಕೆ, ಸರಿಯಾದ ತರಬೇತಿ ಇಲ್ಲದ ಬದಲಿ ಕೆಲಸಗಾರರನ್ನು ಭಾರತದಿಂದ ಕರೆತರಲಾಗಿದೆ, ಅವರಿಗೆ ಅಮೆರಿಕನ್ನರೇ ತರಬೇತಿ ನೀಡಬೇಕು ಎಂದು ಕೆಲಸ ಕಳೆದು ಕೊಂಡಿರುವ ಅಮೆರಿಕನ್ನರು ಅಸಮಾಧಾನ ವ್ಯಕ್ತ ಪಡಿಸಿದ್ದಾರೆ.
ಇನ್ನು ನಮ್ಮ ಕೆಲಸ ಕಳೆದುಕೊಂಡು ಬೇರೆಯವರಿಗೆ ತರಬೇತಿ ಕೊಡುವುದು ದೊಡ್ಡ ಅವಮಾನ, ಅದನ್ನು ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅಮೆರಿಕಾದ ನೌಕರನೊಬ್ಬ ಅಸಮಾಧಾನ ವ್ಯಕ್ತ ಪಡಿಸಿದ್ದಾನೆ. ನೌಕರರನ್ನು ವಜಾಗೊಳಿಸುವುದು ಕಂಪನಿಯ ಪುನರ್ ಸಂಘಟನೆ ಒಂದು ಭಾಗ. ಅಗತ್ಯಕ್ಕಿಂತ ಹೆಚ್ಚು ಸ್ಥಾನಗಳಿದ್ದರೇ ಅಂತ ನೌಕರರನ್ನು ತೆಗೆದು ಹಾಕುವುದು ಅನಿವಾರ್ಯ ಎಂದು ಡಿಸ್ನಿ ಕಂಪನಿಯ ಕಾರ್ಯ ನಿರ್ವಾಹಕ ಅಧಿಕಾರಿಗಳು ತಿಳಿಸಿದ್ದಾರೆ.
Advertisement