ನವದೆಹಲಿ: ದೇಶಾದ್ಯಂತ ತೀವ್ರ ಚರ್ಚೆಗೆ ಕಾರಣವಾಗಿರುವ ಲಲಿತ್ ಮೋದಿ ಪ್ರಕರಣ ಸಂಬಂಧ ಇಲ್ಲಿಯವರೆಗೂ ಮೌನವಾಗಿರುವ ಪ್ರಧಾನಿ ಮೋದಿ, ತಮ್ಮ ಧ್ಯಾನದಿಂದ ಹೊರಬಂದು ಮಾತನಾಡಬೇಕು ಎಂದು ಕಾಂಗ್ರೆಸ್ ಆಗ್ರಹಿಸಿದೆ.
ಎಲ್ಲಾ ಮಂತ್ರಿಗಳು ತಂತ್ರಿಗಳಾಗುತ್ತಿದ್ದಾರೆ. ಯಾವ ಸಚಿವ ಎಲ್ಲಿಗೆ ಹೋಗುತ್ತಾರೆ...ಎಲ್ಲಿಂದ ಬರುತ್ತಾರೆ...ಏನು ತಿನ್ನುತ್ತಾರೆ ಎಂಬುದರ ಇಂಚಿಂಚು ಮಾಹಿತಿ ನರೇಂದ್ರ ಮೋದಿಗೆ ತಿಳಿದಿದೆ. ಎಲ್ಲವನ್ನೂ ಅರಿತಿರುವ ಮೋದಿ ರಾಜಕೀಯ ವಿಪಶನದಿಂದ ಹೊರಬಂದು. ಲಲಿತ್ ಗೇಟ್ ಪ್ರಕರಣದ ಬಗ್ಗೆ ದೇಶದ ಜನತೆಗೆ ಸತ್ಯವನ್ನು ಹೇಳಬೇಕು ಎಂದು ಕಾಂಗ್ರೆಸ್ ವಕ್ತಾರ ಟಾಮ್ ವಡಕ್ಕನ್ ಆಗ್ರಹಿಸಿದ್ದಾರೆ.
ರಾಜಸ್ತಾನ ಮುಖ್ಯಮಂತ್ರಿ ವಸುಂದರಾರಾಜೇ ಮಗ ದುಶ್ಯಂತ್ ಮಾಜಿ ಐಪಿಎಲ್ ಅಧ್ಯಕ್ಷ ಲಲಿತ್ ಮೋದಿ ಜೊತೆ ವ್ಯಾವಹಾರಿಕ ಸಂಬಂಧ ಹೊಂದಿದ್ದರು ಎಂದು ಹೇಳಿದ ವಡಕ್ಕನ್ ಇದರ ಸಂಬಂಧ ಸೂಕ್ತ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದರು. ಯಾವ ಮೋದಿಗೆ ಯಾರ ಜೊತೆ ಸಂಬಂಧ ಇದೆ ಎಂದು ತಿಳಿಯುವುದು ಬಹಳ ಕಷ್ಟ. ಹೀಗಾಗಿ ಇಡಿ ಪ್ರಕರಣದ ತನಿಖೆಯಾಗಬೇಕು ಎಂದು ಆಗ್ರಹಿಸಿದ್ದಾರೆ.
