ಕೊಲ್ಕತ್ತಾ: ಐಟಿಐ ಪ್ರವೇಶ ಪರೀಕ್ಷೆಗೆ ಹಾಜರಾಗಲು ಶನಿವಾರ ಪ್ರವೇಶ ಪತ್ರ ಸಿಕ್ಕಿದಾಗ ಸೌಮ್ಯದೀಪ್ ಮಹತೋ (18) ಎಂಬ ವಿದ್ಯಾರ್ಥಿಗೆ ಅಚ್ಚರಿ. ತನ್ನ ಮಾಹಿತಿ ಇರುವ ಪರೀಕ್ಷಾ ಪ್ರವೇಶ ಪತ್ರದಲ್ಲಿ ತನ್ನ ಫೋಟೋ ಬದಲು ನಾಯಿಯೊಂದರ ಫೋಟೋ!!
ಐಟಿಐ ಪ್ರವೇಶ ಪರೀಕ್ಷೆಯ ಅಧಿಕೃತ ವೆಬ್‌ಸೈಟ್ ನಿಂದ ಮಹತೋ ಪರೀಕ್ಷಾ ಪ್ರವೇಶ ಪತ್ರ ಡೌನ್‌ಲೋಡ್ ಮಾಡಿದ್ದರು . ಆದರೆ ಅದರಲ್ಲಿ ತನ್ನ ಎಲ್ಲ ಮಾಹಿತಿ ಇದ್ದರೂ ಫೋಟೋ ಮಾತ್ರ ನಾಯಿಯದ್ದಾಗಿತ್ತು. ಇದನ್ನು ಕೂಡಲೇ ಸಂಬಂಧಪಟ್ಟವರ ಗಮನಕ್ಕೆ ತಂದಿದ್ದು, ಶನಿವಾರ ಸಂಜೆ ಹೊಸ ಪ್ರವೇಶಪತ್ರವನ್ನು ಮಹತೋಗೆ ನೀಡಲಾಗಿದೆ.
ಫೋಟೋ ಬದಲಾಗಿರುವ ಬಗ್ಗೆ ತನಿಖೆ ನಡೆಸಲು ಅಧಿಕಾರಿಗಳು ಆದೇಶಿಸಿದ್ದಾರೆ.
Advertisement