ಅಮೃತಸರ: ಬಾರಿ ಭದ್ರತಾಯುಲ್ಲ ವಾಘಾ- ಅಟ್ಟಾರಿ ಗಡಿಯಲ್ಲಿ ಜೀಪನ್ನು ಅನಿವಾಸಿ ಭಾರತೀಯನೊಬ್ಬ ಅಟ್ಟಾರಿ ಚೆಕ್ ಪೋಸ್ಟ್ ಗೇಟ್ಗೆ ಗುದ್ದಿರುವ ಘಟನೆ ನಡೆದಿದೆ.
ಪಂಜಾಬ್ನ ಜಲಂಧರ್ ಮೂಲದ ಸುರೀಂದರ್ ಸಿಂಗ್ ಕಂಗ್ (42) ಕೆನಡಾದಿಂದ ಆಗಮಿಸಿದ್ದು, ಸೋಮವಾರ ಬೆಳಗಿನ ಜಾವ ತಮ್ಮ ಜೀಪನ್ನು ಮೊದಲು ಭಾರತ ಕಡೆಯ ಗೇಟಿಗೆ ಗುದ್ದಿ ನಂತರ ಪಾಕಿಸ್ತಾನ ಗೇಟಿಗೆ ಗುದ್ದಿದ್ದಾನೆ ಈ ಸಂಬಂಧ ಆರೋಪಿಯನ್ನು ಬಿಎಸ್ಎಫ್ ಅಧಿಕಾರಿಗಳು ಬಂಧಿಸಿದ್ದಾರೆ.
ಆರೋಪಿಯಿಂದ ಸ್ಥಳದಲ್ಲಿ ಮನಸ್ಸಿಗೆ ವಿಶ್ರಾಂತಿ ನೀಡುವ ಕೆಲ ಔಷಧಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಆತನನ್ನು ಪಂಜಾಬ್ ಪೊಲೀಸರ ವಶಕ್ಕೆ ಒಪ್ಪಿಸಲಾಗಿದೆ ಎಂದು ಬಿಎಸ್ಎಫ್ ಅಧಿಕಾರಿಗಳು ಹೇಳಿದ್ದಾರೆ.
