ಭೂಗತ ದೊರೆ ಛೋಟಾ ಶಕೀಲ್ ಸಹಚರನ ಬಂಧಿಸಿದ ಸಿಸಿಬಿ ಪೊಲೀಸರು

ಬೆಂಗಳೂರು: ಭೂಗತ ಪಾತಕಿ ಛೋಟಾ ಶಕೀಲ್ ನೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದ ಸಹಚರನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಛೋಟಾ ಶಕೀಲ್ ನ ಸಹಚರ ಸೈಯದ್ ನಿಯಾಮತ್ (28) ಬಂಧಿತ ಆರೋಪಿ. ಈತ ಛೋಟಾ ಶಕೀಲ್ ನೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದು, ದುಷ್ಕೃತ್ಯವೆಸಗಲು ಸಂಚು ರೂಪಿಸುತ್ತಿದ್ದನು. ಅಷ್ಟೇ ಅಲ್ಲದೇ, ಚೋಟಾ ರಾಜನ್ ಸೂಚನೆ ಮೇರೆಗೆ ರಾಜಕೀಯ ಕೆಲ ಮುಖಂಡರ ಕೊಲೆಗೆ ಸಂಚು ರೂಪಿಸಿದ್ದ ಎಂಬ ಮಾಹಿತಿ ಸಿಸಿಬಿ ಪೊಲೀಸರಿಗೆ ಲಭ್ಯವಾಗಿದೆ. 

ಬಿಸ್ಮಿಲ್ಲಾ ನಗರದಲ್ಲಿ ವಾಸವಾಗಿದ್ದಾನೆ ಎಂಬ ಮಾಹಿತಿ ತಿಳಿದ ಸಿಸಿಬಿ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಸೈಯ್ಯದ್ ವಿರುದ್ಧ ಶಿವಾಜಿನಗರ, ತಿಲಕ್‌ನಗರ, ಪುಲಕೇಶಿನಗರ, ಸಂಪಿಗೆಹಳ್ಳಿ, ಭಾರತಿನಗರ ಠಾಣೆಗಳಲ್ಲಿ 8ಕ್ಕೂ ಕೊಲೆ, ದರೋಡೆ, ಶಸ್ತ್ರಾಸ್ತ್ರ ಸಂಗ್ರಹ ಸಂಬಂಧಪಟ್ಟಂತೆ ಪ್ರಕರಣಗಳು ದಾಖಲಾಗಿವೆ.