ಲಷ್ಕರ್, ತಾಲಿಬಾನ್‍ಗೆ ತರಬೇತಿ ನೀಡಿದ್ದು ನಾವೇ ಎಂದ ಮುಷರ್ರಫ್!

ಇಸ್ಲಾಮಾಬಾದ್: ``ಲಷ್ಕರ್, ತಾಲಿಬಾನ್, ಹಖನಿ ನೆಟ್‍ವರ್ಕ್, ಹಫೀಜ್ ಸಯೀದ್‍ಗೆ ತರಬೇತಿ ನೀಡಿದ್ದೇ ಪಾಕಿಸ್ತಾನ. ನಾವೇ ಉಗ್ರರನ್ನು ಪೋಷಿಸಿ, ಭಾರತ, ಆಫ್ಘನ್‍ಗೆ ಕಳುಹಿಸುತ್ತಿದ್ದೇವೆ.'' ಇಂತಹುದೊಂದು ಆಘಾತಕಾರಿ ವಿಷಯ ಹೊರಹಾಕಿದ್ದು ಬೇರಾರೂ ಅಲ್ಲ. ಪಾಕಿಸ್ತಾನದ ಮಾಜಿ ಪ್ರಧಾನಿ ಪರ್ವೇಜ್ ಮುಷರ್ರಫ್.

ಪಾಕ್‍ನ ದುನ್ಯಾ ಟಿವಿಗೆ ನೀಡಿದ ಸಂದರ್ಶನದಲ್ಲಿ ಈ ಸ್ಪೋಟಕ ಮಾಹಿತಿ ಬಹಿರಂಗಪಡಿಸಿರುವ ಅವರು, ``ಉಗ್ರರು ಮತ್ತು ಉಗ್ರ ಸಂಘಟನೆಗಳು ಪಾಕ್ ಸರ್ಕಾರ ಮತ್ತು ಸೇನೆಗೆ `ಹೀರೋ'ಗಳಿದ್ದಂತೆ. ಕಾಶ್ಮೀರಕ್ಕೆ ಉಗ್ರರನ್ನು ಕಳುಹಿಸುತ್ತಿರುವುದೂ ಪಾಕಿಸ್ತಾನವೇ.

ಲಾಡೆನ್, ಜವಾಹಿರಿ, ಹಖನಿಯನ್ನು ಬೆಳೆಸಿದ್ದೂ ನಾವೇ. ಲಾಡೆನ್ ಹಾಗೂ ಸಯೀದ್ ಅಂತೂ ನಮ್ಮ ಹೀರೋ ಎಂದೂ ಹೇಳಿದ್ದಾರೆ. ಗಡಿ ದಾಟಿ ಇಲ್ಲಿಗೆ ತಲುಪಿ ಜಿಹಾದ್ ನಡೆಸುತ್ತಿರುವ ಕಾಶ್ಮೀರಿಗಳು ಕೂಡ ನಮ್ಮ ಪಾಲಿನ ನಾಯಕರು ಎಂದಿದ್ದಾರೆ.