ಕಾಶ್ಮೀರ ಬಗ್ಗೆ ಮಾತನಾಡಲು ಆತನಿಗೆ ಅಧಿಕಾರ ಕೊಟ್ಟವರಾರು?: ವೆಂಕಯ್ಯ ನಾಯ್ಡು

ನವದೆಹಲಿ: ಭಾರತದ ಮೇಲೆ ಪಾಕಿಸ್ತಾನ ಪರಮಾಣು ಯುದ್ಧ ಮಾಡಬಹುದು ಎಂದು ಹಿಜ್ ಬುಲ್ ಮುಜಾಹಿದ್ದೀನ್ ಮುಖಂಡ ಸೈಯದ್ ಸಲಹುದ್ದೀನ್ ಬೆದರಿಕೆ ಹಾಕಿರುವುದಕ್ಕೆ ತಿರುಗೇಟು ನೀಡಿರುವ ಕೇಂದ್ರ ಸಚಿವ ಎಂ.ವೆಂಕಯ್ಯ ನಾಯ್ಡು, ಪ್ರಚಾರ ಪಡೆಯಲು ಇಂತಹ ಹೇಳಿಕೆ ನೀಡುತ್ತಾರೆ. ಹೀಗೆ ಹೇಳಿಕೆ ನೀಡುವ ಜನರಿಗೆ ಪ್ರೋತ್ಸಾಹ ನೀಡಬೇಕೆ ಎಂಬುದನ್ನು ಗಂಭೀರವಾಗಿ ವಿಚಾರಮಾಡಿ ಎಂದು ಪಾಕಿಸ್ತಾನಕ್ಕೆ ಅವರು ಸೂಚಿಸಿದ್ದಾರೆ.

ಅವರು ಪ್ರಚಾರಕ್ಕಾಗಿ ಕೆಟ್ಟದಾಗಿ ಮಾತನಾಡುತ್ತಿರುತ್ತಾರೆ. ಯಾರವನು, ಕಾಶ್ಮೀರದ ಬಗ್ಗೆ ಮಾತನಾಡಲು ಆತನಿಗೆ ಅಧಿಕಾರ ಕೊಟ್ಟವರಾರು? ಇಂತಹ ವಿಷಯಗಳಿಗೆ ಪ್ರಚಾರ ನೀಡುವುದು ಸರಿಯೇ? ಇಂತಹ ಜನರಿಗೆ ಪ್ರೋತ್ಸಾಹ ನೀಡುವುದು ಸರಿಯೆ ಎಂಬುದನ್ನು ಪಾಕಿಸ್ತಾನ ಯೋಚಿಸಬೇಕು. ಬೆದರಿಕೆಯಿಂದ ಏನು ಮಾಡಲೂ ಸಾಧ್ಯವಿಲ್ಲ ಎಂದು ವೆಂಕಯ್ಯ ನಾಯ್ಡು ಮಾಧ್ಯಮಗಳ ಮುಂದೆ ಖಾರವಾಗಿ ಪ್ರತಿಕ್ರಿಯಿಸಿದರು.