ಖತಾರ್ ಶಿಪ್ಪಿಂಗ್ ಕಂಪನಿಗೆ 100 ಕೋಟಿ ದಂಡ ವಿಧಿಸಿದ ಎನ್ ಜಿಟಿ

ನವದೆಹಲಿ: ತೈಲ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಖತಾರ್ ಮೂಲದ ಶಿಪ್ಪಿಂಗ್ ಕಂಪೆನಿಗೆ ರಾಷ್ಟ್ರೀಯ ಹಸಿರು ನ್ಯಾಯಪೀಠ(ಎನ್​ಜಿಟಿ) ಮಂಗಳವಾರ 100 ಕೋಟಿ ರುಪಾಯಿ ದಂಡ ವಿಧಿಸಿದೆ. ಇದೇ ಪ್ರಕರಣದಲ್ಲಿ ಅದನಿ ಎಂಟರ ಪ್ರೖೆಸಸ್ ಲಿಮಿಟೆಡ್​ಗೂ ಎನ್​ಜಿಟಿ 5 ಕೋಟಿ ರುಪಾಯಿ ದಂಡ ವಿಧಿಸಿದೆ.

ಗುಜರಾತಿನ ಅದನಿ ಥರ್ಮಲ್ ಘಟಕಕ್ಕೆ ಕಲ್ಲಿದ್ದಲು ತಂದಿದ್ದ ಸರಕು ಸಾಗಣೆ ಹಡಗು 2011ರ ಆಗಸ್ಟ್ 4ರಂದು ದಕ್ಷಿಣ ಮುಂಬೈ ತೀರದಿಂದ 20 ನಾಟಿಕಲ್ ಮೈಲು ದೂರದಲ್ಲಿ ಅರಬ್ಬಿ ಸಮುದ್ರದಲ್ಲಿ ಮುಳಗಿತ್ತು. ಹಡಗಿನಿಂದ ಸೋರಿಕೆಯಾದ ತೈಲದಿಂದ ಸಮುದ್ರದ ನೀರು ಮಲಿನಗೊಂಡು ಸಹಸ್ರಾರು ಜಲಚರಗಳ ಸಾವು ಸಂಭವಿಸಿತ್ತು. ಪನಾಮಾ ನೋಂದಣಿಯ ಎಂವಿ ರಾಕ್ ಹಡಗಿನಲ್ಲಿ 60,000 ಟನ್ ಇಂಡೋನೇಷ್ಯ ಕಲ್ಲಿದ್ದಲನ್ನು ಅದನಿ ಎಂಟರ್ ಪ್ರೖೆಸಸ್ ಲಿಮಿಟೆಡ್​ಗಾಗಿ ಸಾಗಿಸಲಾಗುತ್ತಿತ್ತು.

ಪರಿಸರ ಹಾನಿಯನ್ನು ತುಂಬಿಕೊಡಲು ಈ ವರ್ಷ ಜನವರಿಯಲ್ಲಿ ಎನ್​ಜಿಟಿ 25 ಕೋಟಿ ರುಪಾಯಿಗಳ ದಂಡ ವಿಧಿಸಿತ್ತು.