ಮುಂಬೈ ನಲ್ಲಿ ಹೆಲಿಕಾಫ್ಟರ್ ಅಪಘಾತ: ಎರಡು ಸಾವು

ಮುಂಬೈ: ಮುಂಬೈ ನ ಗೋರೆಗಾಂವ್ ನ ಆರೆ ಕಾಲೋನಿಯಲ್ಲಿ ಹೆಲಿಕಾಫ್ಟರ್ ಪತನಗೊಂಡಿದ್ದು ಮೂವರಿಗೆ ಗಂಭೀರ ಗಾಯಗಳುಂಟಾಗಿದ್ದರೆ  ಇಬ್ಬರು ಮೃತಪಟ್ಟಿದ್ದಾರೆ. 

ಡಿ.11 ರಂದು ರಾಬಿನ್ ಸನ್ ಆರ್ 44 ಹೆಲಿಕಾಫ್ಟರ್ ಪತನಗೊಂಡಿದ್ದು ಈ ಘಟನೆ ನಡೆದಿದ್ದು, ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡ ನಾಲ್ವರಿಗೆ ಚಿಕಿತ್ಸೆ ನೀಡಲಾಗುತ್ತಿತ್ತು. ಈ ಪೈಕಿ ಇಬ್ಬರು ಮೃತಪಟ್ಟಿದ್ದಾರೆ. 1992 ರಲ್ಲಿ ತಯಾರಾಗಿದ್ದ ರಾಬಿನ್ ಸನ್ ಆರ್ 44 ಹೆಲಿಕಾಫ್ಟರ್ ಪವನ್ ಹಂಸ್ ಎಂಬುವವರ ಬಳಿ ಇತ್ತು. ಆದರೆ ಅದನ್ನು ಖರೀದಿಸಿದ್ದ ಖಾಸಗಿ ಏವಿಯೇಶನ್ ಕಂಪನಿ ದುರಸ್ತಿ ಮಾಡಿಸಿ ಹೆಲಿಕಾಪ್ಟರ್‌ ಜಾಯ್‌ ರೈಡ್‌ ಗೆ ಮಾತ್ರ ಬಳಕೆ ಮಾಡುತ್ತಿತ್ತು ಎಂದು ತಿಳಿದುಬಂದಿದೆ. 

ಘಟನಾ ಸ್ಥಳಕ್ಕೆ ಎರಡು ಫೈರ್ ಇಂಜಿನ್ ಗಳು ಧಾವಿಸಿದ್ದು ಅಪಘಾತದಿಂದ ಉಂಟಾಗಿದ್ದ ಬೆಂಕಿಯನ್ನು ನಂದಿಸುವ ಕಾರ್ಯಾಚರಣೆ ನಡೆಸುತ್ತಿವೆ.