ಗುವಾಹಟಿ: ಪ್ರತೀ ವರ್ಷ 8 ಲಕ್ಷಕ್ಕಿಂತಲೂ ಹೆಚ್ಚು ಹಿಂದೂಗಳನ್ನು ಕ್ರೈಸ್ತ ಅಥವಾ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಳಿಸಲಾಗುತ್ತಿದೆ ಎಂದು ವಿಹಿಂಪ ಪ್ರಧಾನ ಕಾರ್ಯದರ್ಶಿ ವೈ ರಾಘವಲು ಆರೋಪಿಸಿದ್ದಾರೆ.
ಭಾರತದಲ್ಲಿ 8 ಲಕ್ಷಕ್ಕಿಂತ ಹೆಚ್ಚು ಹಿಂದೂಗಳನ್ನು ಪ್ರತೀ ವರ್ಷ ಮತಾಂತರಗೊಳಿಸಲಾಗುತ್ತಿದೆ. ಮತಾಂತರವು ಭಾರತದ ಏಕತೆಗೆ ಧಕ್ಕೆ ತರುತ್ತಿದ್ದು, ಇದೀಗ ಮತಾಂತರ ಪ್ರಕ್ರಿಯೆಗಳು ಹೆಚ್ಚಾಗುತ್ತಿದೆ ಎಂದ ರಾಘವಲು ಹೇಳಿದ್ದಾರೆ.
ಭಾನುವಾರ ಗುವಾಹಟಿಯಲ್ಲಿ ವಿಹಿಂಪ ನಾಯಕ ಮೋಹನ್‌ಲಾಲ್ ಅಗರ್‌ವಾಲ್ ಅವರ ಅಭಿನಂದನಾ ಕಾರ್ಯಕ್ರಮದಲ್ಲಿ ರಾಘವಲು ಮತಾಂತರದ ವಿಷಯವನ್ನು ಮಾತನಾಡಿದ್ದರು.
