ಶ್ರೀಲಂಕಾದಲ್ಲಿ ಐಎನ್ಎಸ್ ವಿಕ್ರಮಾದಿತ್ಯ

ಕೊಲಂಬೊ: ಭಾರತದ ಅತಿದೊಡ್ಡ ನೌಕಾದಳದ ಹಡಗು ಐಎನ್ಎಸ್ ವಿಕ್ರಮಾದಿತ್ಯ  ಮೂರು ದಿನಗಳ ಭೇಟಿಗಾಗಿ ಶ್ರೀಲಂಕಾಗೆ ತಲುಪಿದೆ.
ಭಾರತೀಯ ನೌಕಾಪಡೆಯ ಐಎನ್‌ಎಸ್ ಮೈಸೂರು ವಿಕ್ರಮಾದಿತ್ಯಗೆ ಸಾಥ್ ನೀಡಿದ್ದು, ಎರಡು ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ವಿರ್ಕಮಾದಿತ್ಯ ಸಾಗರೋತ್ತರ ಪ್ರಯಾಣ ಕೈಗೊಂಡಿದೆ. ಐಎನ್ಎಸ್ ವಿಕ್ರಮಾದಿತ್ಯ ಶ್ರೀಲಂಕಾ- ಭಾರತದ ಕಡಲ ಸಹಕಾರದ ಕುರುಹಾಗಿದೆ ಎಂದು ಶ್ರೀಲಂಕಾದಲ್ಲಿರುವ ಭಾರತದ ಹೈ ಕಮಿಷನ್ ಹೇಳಿದೆ.
ಈ ಭೇಟಿ ವೇಳೆ ಭಾರತದ ಹಡಗು ಸಿಬ್ಬಂದಿ ಶ್ರೀಲಂಕಾದ ನೌಕಾ ಸಿಬ್ಬಂದಿಗಳೊಂದಿಗೆ ಮಾತುಕತೆ ನಡೆಸಲಿದ್ದು ಯುದ್ಧ ನೌಕೆಗಳನ್ನು ಶ್ರೀಲಂಕಾ ನೌಕಾದಳದೊಂದಿಗೆ ನಡೆಸಲಾಗುವ ತಾಲೀಮಿನ ವೇಳೆ ಬಳಕೆ ಮಾಡಲಾಗುತ್ತದೆ.