ಗೋವಾದಲ್ಲಿ ಬ್ರಿಕ್ಸ್ 8 ನೇ ಶೃಂಗಸಭೆ: ಸುಷ್ಮಾ ಸ್ವರಾಜ್

ನವದೆಹಲಿ: ಬ್ರಿಕ್ಸ್ ರಾಷ್ಟ್ರಗಳ 8 ನೇ ಶೃಂಗಸಭೆ ಅಕ್ಟೋಬರ್ 15 -16 ಕ್ಕೆ ನಿಗದಿಯಾಗಿದ್ದು ಗೋವಾದಲ್ಲಿ ನಡೆಯಲಿದೆ ಎಂದು ವಿದೇಶಾಂಗ ಇಲಾಖೆ ಸಚಿವೆ ಸುಷ್ಮಾ ಸ್ವರಾಜ್ ಹೇಳಿದ್ದಾರೆ. 

ಬ್ರಿಕ್ಸ್ ಗೆ ಭಾರತದ ಅಧ್ಯಕ್ಷತೆಯ ಲೋಗೋ ಹಾಗೂ ವೆಬ್ ಸೈಟ್ ನ್ನು ಲೋಕಾರ್ಪಣೆಗೊಳಿಸಿದ ವೇಳೆ ಸುಷ್ಮಾ ಸ್ವರಾಜ್ ಬ್ರಿಕ್ಸ್ ರಾಷ್ಟ್ರಗಳ 8 ನೇ ಶೃಂಗಸಭೆ ಬಗ್ಗೆ ಮಾಹಿತಿ ನೀಡಿದ್ದಾರೆ. 

2015 ರ ಫೆಬ್ರವರಿಯಲ್ಲಿ ಭಾರತ ಬ್ರಿಕ್ಸ್ ಮೈತ್ರಿಕೂಟದ ಅಧ್ಯಕ್ಷತೆ ವಹಿಸಿಕೊಂಡಿತ್ತು. ಬ್ರಿಕ್ಸ್(ಬ್ರೆಜಿಲ್, ರಷ್ಯಾ, ಭಾರತ, ಚೀನಾ ಮತ್ತು ದಕ್ಷಿಣ ಆಫ್ರಿಕಾ) ಕಳೆದ ವರ್ಷ ರಾಷ್ಟ್ರಗಳ 7 ನೇ ಶೃಂಗಸಭೆ ರಷ್ಯಾದಲ್ಲಿ ನಡೆದಿತ್ತು. ಈ ಶೃಂಗಸಭೆಯಲ್ಲಿ ಇಂಧನ ಕ್ಷೇತ್ರ, ಹಣಕಾಸು ಕ್ಷೇತ್ರಕ್ಕೆ ಸಂಬಂಧಿಸಿದ ಹಲವು ಯೋಜನೆಗಳು, ಕೈಗೊಳ್ಳಬೇಕಿರುವ ಕ್ರಮಗಳ ಬಗ್ಗೆ ಬ್ರಿಕ್ಸ್ ರಾಷ್ಟ್ರಗಳು ನಿರ್ಣಯ ಕೈಗೊಂಡಿದ್ದವು.