ನವದೆಹಲಿ: ಎಲ್ಲ ರೀತಿಯ ಅಗತ್ಯ ಸೇವೆಗಳಿಗೆ ಒಂದೇ ದೂರವಾಣಿ ನಂಬರ್ ಗೆ ಕರೆ ಮಾಡುವ ವ್ಯವಸ್ಥೆ ಭಾರತದಲ್ಲಿಯೂ ಶೀಘ್ರ ಜಾರಿಗೆ ಬರಲಿದೆ.
ಅಮೆರಿಕದ 911 ಮಾದರಿಯಲ್ಲಿ ಭಾರತದಲ್ಲೂ 112 ನಂಬರ್ ಗೆ ಕರೆ ಮಾಡಬಹುದು. ಪೊಲೀಸ್, ಆ್ಯಂಬುಲೆನ್ಸ್ ಮತ್ತು ಅಗ್ನಿಶಾಮಕ ಇಲಾಖೆಗಳನ್ನು ಸಂಪರ್ಕಿಸಲು ಜನರು ಈ ನಂಬರ್ ಗೆ ಕರೆ ಮಾಡಬಹುದು.
ವಿವಿಧ ತುರ್ತು ಸೇವೆಗಳಿಗೆ ಒಂದೇ ನಂಬರ್ ಗೆ ಕರೆ ಮಾಡುವ ಪ್ರಸ್ತಾವನೆಗೆ ದೂರ ಸಂಪರ್ಕ ಆಯೋಗದ ಆಂತರಿಕ ಸಚಿವಾಲಯ ಸಮಿತಿ ಅನುಮೋದನೆ ನೀಡಿದೆ. ಸಾರ್ವಜನಿಕ ಜಾಗೃತಿ ಮೂಡಿಸಿ ವರ್ಷದೊಳಗೆ ಯೋಜನೆ ಜಾರಿಗೊಳಿಸುವ ಉದ್ದೇಶವನ್ನು ಸರ್ಕಾರ ಹೊಂದಿದೆ.
Advertisement