ಲಷ್ಕರ್ ಉಗ್ರ ಉಮರ್ ಖಲಿಕ್ ಬಂಧಿಸಿದ ಬಿಎಸ್ಎಫ್ ಯೋಧರು

ಶ್ರೀನಗರ: ಕಳೆದ ರಾತ್ರಿ ಬರಾಮುಲ್ಲಾ ಜಿಲ್ಲೆಯ ಸಪೋರಾದಲ್ಲಿ ಲಷ್ಕರ್ ಇ ತೊಯ್ಬಾ ಉಗ್ರ ಸಂಘಟನೆಗೆ ಸೇರಿದ ಉಗ್ರ ಉಮರ್ ಖಲಿಕ್ ನನ್ನು ಬಿಎಸ್ಎಫ್ ಯೋಧರು ಬಂಧಿಸಿದ್ದಾರೆ. 

ಉಗ್ರರ ವಿರುದ್ಧ ವಿಶೇಷ ಕಾರ್ಯಾಚರಣೆ ನಡೆಸುತ್ತಿರುವ ಭದ್ರತಾ ಸಿಬ್ಬಂದಿ ಕಳೆದ ರಾತ್ರಿ ಸಪೋರಾದ ತುಜಾರ್ ಎಂಬಲ್ಲಿ ಉಮರ್ ನನ್ನು ಬಂಧಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಉಮರ್ ವಿರುದ್ಧ ಸಪೋರಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ವಶಕ್ಕೆ ಪಡೆದಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.