ಪಶ್ಚಿಮ ಬಂಗಾಳದಲ್ಲಿರುವ ಜನ್ ಧನ್ ಖಾತೆಗಳಲ್ಲಿ ಅತಿ ಹೆಚ್ಚು ಮೊತ್ತದ ಹಣ ಜಮಾ ಆಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ. ಜನ್ ಧನ್ ಯೋಜನೆಯಡಿ ಒಟ್ಟು 24 ಕೋಟಿ ಬ್ಯಾಂಕ್ ಖಾತೆಗಳು ಪ್ರಾರಂಭವಾಗಿದ್ದು, ಜನ್ ಧನ್ ಖಾತೆಯಲ್ಲಿ ಏಕಾಏಕಿ ಬೃಹತ್ ಪ್ರಮಾಣದ ಹಣಕಾಸಿನ ಜಮಾ, ವಹಿವಾಟು ನಡೆದಿರುವುದು ಹಲವು ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರದ ತನಿಖಾ ಸಂಸ್ಥೆಗಳು ಜನ್ ಧನ್ ಖಾತೆಗಳ ಮೇಲೆ ನಿಗಾ ವಹಿಸಿವೆ.
