ಅಸ್ಸಾಂ ಸಚಿವಾಲಯದಲ್ಲಿ ಅಗ್ನಿ ದುರಂತ

ಗೌಹಾಟಿ: ಗುರುವಾರ ಮಧ್ಯಾಹ್ನ ಗೌಹಾಟಿಯಲ್ಲಿರುವ ಅಸ್ಸಾಂ ಸಚಿವಾಲಯದಲ್ಲಿ ಅಗ್ನಿ ದುರಂತ ಸಂಭವಿಸಿದೆ. ಅಧಿಕಾರಿಗಳು ನೀಡಿದ ಮಾಹಿತಿಯಂತೆ, ಸುಮಾರು 12.30 ರ ವೇಳೆಗೆ ದಿಸ್ ಪುರದ ಸಚಿವಾಲಯ ಕಟ್ಟಡದ ಎಫ್-ಬ್ಲಾಕ್ ನಲ್ಲಿರುವ ಹಣಕಾಸು ಇಲಾಖೆಯ ಕಚೇರಿಯಲ್ಲಿ ಬೆಂಕಿ ಕಾಣಿಸಿಕೊಂಡಿದೆ.

ಒಟ್ಟು ನಾಲ್ಕು ಅಗ್ನಿಶಾಮಕ ವಾಗನಗಳು ಬೆಂಕಿ ನಂದಿಸುವ ಕಾರ್ಯದಲ್ಲಿ ನಿರತವಾಗಿದ್ದು  ಹಾನಿಯ ವ್ಯಾಪ್ತಿಯು ತಿಳಿದಿಲ್ಲ. ಶಾರ್ಟ್ ಸರ್ಕ್ಯೂಟ್ ನಿಂದಾಗಿ ದುರಂತ ಸಂಭವಿಸಿದೆ ಎಂದು ನಂಬಲಾಗಿದೆ.