ವಿಜಯವಾಡ: ಕಾಮುಕರ ಕಾಟದಿಂದ ತಪ್ಪಿಸಿಕೊಳ್ಳಲು ಚಲಿಸುವ ರೈಲಿನಿಂದ ಜಿಗಿದ ಟೆಕ್ಕಿ

ವಿಜಯವಾಡ: ಕಾಮುಕರು ನೀಡುತ್ತಿದ್ದ ಕಿರುಕುಳದಿಂದ ತಪ್ಪಿಸಿಕೊಳ್ಳುವ ಸಲುವಾಗಿ 25 ವರ್ಷದ ಯುವತಿಯೊಬ್ಬಳು ಚಲಿಸುತ್ತಿದ್ದ ರೈಲಿನಿಂದಲೇ ಕೆಳಗೆ ಜಿಗಿದಿರುವ ಘಟನೆಯೊಂದು ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಸಿಂಗರಾಯಗೊಂಡ ರೈಲ್ವೇ ನಿಲ್ದಾಣದ ಬಳಿ ನಡೆದಿದೆ. 

ವಿಜಯವಾಡದ ಸತ್ಯನಾರಾಯಣಪುರದ ಮೂಲದವರಾಗಿರುವ ಯುವತಿ ಚೆನ್ನೈನಲ್ಲಿ ಸಾಫ್ಟ್ ವೇರ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ನಿನ್ನೆ ಮಿಲಿನಿಯಂ ಎಕ್ಸ್ ಪ್ರೆಸ್ ರೈಲಿನಲ್ಲಿ ಯುವತಿ ಆಂಧ್ರದ ವಿಜಯವಾಡಕ್ಕೆ ಹೊರಟಿದ್ದರು. 

ಈ ವೇಳೆ ರೈಲಿನಲ್ಲಿದ್ದ ಉತ್ತರ ಭಾರತ ಮೂಲದ ಮೂವರು ಯುವಕರು ರೈಲು ಚೆನ್ನೈನಿಂದ ಪಯಣ ಆರಂಭಿಸಿದಾಗಿನಿಂದಲೂ ಚಿತ್ರ ವಿಚಿತ್ರವಾಗಿ ಕಿರುಕುಳ ನೀಡಲು ಆರಂಭಿಸಿದ್ದಾರೆ. 

ರೈಲು ಸಿಂಗರಾಯಕೊಂಡ ಬಳಿ ಸಮೀಪಿಸುತ್ತಿದ್ದಂತೆಯ ಕಾಮುಕರ ಚೇಷ್ಟೇ ವಿಪರೀತವಾಗಿದೆ. ಕಿರುಕುಳ ನೀಡುತ್ತಿದ್ದರು. ಸ್ಥಳದಲ್ಲಿದ್ದವರಾರು ಯುವತಿಯ ನೆರವಿಗೆ ಬಂದಿಲ್ಲ. ಇದರಿಂದ ಭೀತಿಗೊಳಗಾಗಿರುವ ಯುವತಿ ಕಾಮುಕರಿಂದ ತಪ್ಪಿಸಿಕೊಳ್ಳುವ ಸಲುವಾಗಿ ಚಲಿಸುತ್ತಿದ್ದ ರೈಲಿನಿಂದ ಕೆಳಗೆ ಜಿಗಿದಿದ್ದಾಳೆ.

ಯುವತಿಯ ತಲೆಗೆ ಬಲವಾದ ಪೆಟ್ಟಿ ಬಿದ್ದಿದ್ದು. ನರಳುತ್ತಿದ್ದ ಸಂತ್ರಸ್ತ ಯುವತಿಯನ್ನು ಒಂಗೋಲ್ ರಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.