ಶಿಮ್ಲಾ: ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಜೈರಾಮ್ ಠಾಕೂರ್ ಮತ್ತು ಇತರರ ಪ್ರಮಾಣವಚನ ಸಮಾರಂಭದಲ್ಲಿ ಪಾಲ್ಗೊಂಡು ಹಿಂತಿರುಗುವ ವೇಳೆ ಪ್ರಧಾನಿ ನರೇಂದ್ರ ಮೋದಿ ಬುಧವಾರ ಮಾಲಿ ರಸ್ತೆಯಲ್ಲಿ ತಮ್ಮ ಪ್ರಯಣಕ್ಕೆ ಶಾರ್ಟ್ ಬ್ರೇಕ್ ನೀಡಿದ್ದರು.
ಹಿಮಾಚಲ ಪ್ರದೇಶದ ಹೊಸ ಸಚಿವಸಂಪುಟ ಪ್ರಮಾಣವಚನ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ನಂತರ ಹೆಲಿಪ್ಯಾಡ್ ಗೆ ತೆರಳುವ ಮುನ್ನ ಪ್ರಖ್ಯಾತ ಇಂಡಿಯನ್ ಕಾಫಿ ಹೌಸ್ ನಲ್ಲಿ ಪ್ರಧಾನಿ ಮೋದಿ ಕಾಫಿ ಸವಿದರು.
ವಿಶೇಷವೆಂದರೆ ಹಲವು ವರ್ಷಗಳ ಹಿಂದೆ ಪಕ್ಷದ ಕೆಲಸಗಳಿಗಾಗಿ ಹಿಮಾಚಲಪ್ರದೇಶದಲ್ಲಿದ್ದ ಸಮಯದಲ್ಲಿ ಮೋದಿ ಆಗಾಗ ತಮ್ಮ ಸ್ನೇಹಿತರನ್ನು ಕಾಣಲು ಈ ಕಾಫಿ ಹೌಸ್ ಗೆ ಆಗಮಿಸುತ್ತಿದ್ದರು.
ಮಾಲಿ ರಸ್ತೆಯಲ್ಲಿ ಕಾಫಿ ಹೀರುತ್ತಿರುವ ಪ್ರಧಾನಿ ಮೋದಿ ಅವರನ್ನು ನೋಡಿದಾಗ ಜನರು ಅಚ್ಚರಿಗೊಂಡರು. ಅವರಲ್ಲಿ ಕೆಲವರು ಪ್ರಧಾನಿಗಳಿಗೆ ಹಸ್ತಲಾಗವ ಮಾಡಿದರೆ ಇನ್ನೂ ಕೆಲವರು ಅವರೊಡನೆ ಸೆಲ್ಫಿ ತೆಗೆಸಿಕೊಂಡು ಸಂಭ್ರಮಿಸಿದರು.
