ಜಂತರ್ ಮಂತರ್: ದೆಹಲಿ ತಲುಪಿದ ಗೂರ್ಖಲ್ಯಾಂಡ್ ಪ್ರತಿಭಟನೆ

ನವದೆಹಲಿ:ಪಶ್ಚಿಮ ಬಂಗಾಳದಿಂದ ಗೂರ್ಖಾಲ್ಯಾಂಡ್ ನ್ನು ಪ್ರತ್ಯೇಕಿಸಬೇಕೆಂದು ಗೂರ್ಖ ಸಂಯುಕ್ತ ಸಂಘರ್ಷ ಸಮಿತಿ ನಡೆಸುವ ಪ್ರತಿಭಟನೆ ಇಂದು ದೆಹಲಿಯ ಜಂತರ್ ಮಂತರ್ ತಲುಪಿದೆ.

ನಾವು ಇದನ್ನು ಬೇರೆಡೆಗೆ ತೆಗೆದುಕೊಂಡು ಹೋಗುತ್ತಿಲ್ಲ. ಗೂರ್ಖಲ್ಯಾಂಡ್ ಬಿಟ್ಟು ಬೇರೆ ವಿಷಯಗಳನ್ನು ನಾವು ಮಾತನಾಡುವುದಿಲ್ಲ. ಸರ್ಕಾರ ಈ ವಿಷಯ ಬಿಟ್ಟು ಬೇರೆಯದನ್ನು ಮಾತನಾಡಲು ಆಹ್ವಾನಿಸಿದರೆ ಅವರು ನಮ್ಮನ್ನು ಕರೆಯದಿರುವುದೇ ಒಳ್ಳೆಯದು. ನಾವು ಬೇರೆ ಯಾವುದೇ ಪ್ರಸ್ತಾಪಗಳಿಗೆ ಒಪ್ಪುವುದಿಲ್ಲ ಎಂದು ಗೂರ್ಖ ಸಂಯುಕ್ತ ಸಂಘರ್ಷ ಸಮಿತಿಯ ಸದಸ್ಯ ರಾಜೀವ್ ಶರ್ಮ ತಿಳಿಸಿದರು.

ಗೂರ್ಖರಾದ ನಾವು ಭಾರತಕ್ಕೆ ಸೇರಿದವರಾಗಿದ್ದು ಈ ದೇಶದ ಭಾಗವಾಗಿದ್ದೇವೆ. ಇದರಲ್ಲಿ ಯಾವುದೇ ರಾಜಕೀಯ ಪಕ್ಷ ಸೇರಿಲ್ಲ ಎಂದು ಪ್ರತಿಭಟನಾಕಾರರೊಬ್ಬರು ತಿಳಿಸಿದರು.

ಮೊನ್ನೆ ಶುಕ್ರವಾರ ಡಾರ್ಜಿಲಿಂಗ್ ನ ಹೊರವಲಯದ ಸೊನಾಡ ಎಂಬಲ್ಲಿ ಗೂರ್ಖಲ್ಯಾಂಡ್ ಬೆಂಬಲಿಗರೊಬ್ಬರು ಮೃತಪಟ್ಟಿದ್ದರು.

ಪೊಲೀಸರಿಂದ ಹತ್ಯೆಗೀಡಾಗಿದ್ದಾರೆ ಎಂದು ಗೂರ್ಖ ಜನಮುಕ್ತಿ ಮೋರ್ಚಾ ಆರೋಪಿಸಿತ್ತು.