ಹೈದರಾಬಾದ್: ಶಾಲೆಗಳಲ್ಲಿ ತರಗತಿ ನಡೆಯುತ್ತಿರುವಾಗ ವಿದ್ಯಾರ್ಥಿಗಳು ನಿದ್ದೆ ಮಾಡುವ ಉದಾಹರಣೆಗಳಿವೆ, ಆದರೆ ತೆಲಂಗಾಣದ ಮೆಹಬೂಬ್ ನಗರದ ಶಾಲೆಯಲ್ಲಿ ಶಿಕ್ಷಕರೇ ನಿದ್ದೆ ಮಾಡಿದ್ದು, ವಿದ್ಯಾರ್ಥಿಯೊಬ್ಬ ನಿದ್ದೆ ಮಾಡುತ್ತಿದ್ದ ಶಿಕ್ಷಕರ ಫೋಟೊ ತೆಗೆದು ಶಿಕ್ಷಣ ಇಲಾಖೆಗೆ ಕಳಿಸಿದ್ದಾನೆ.
ಶಿಕ್ಷಣ ಇಲಾಖೆಗೆ ಕಳಿಸಿದ ನಂತರ ಅಧಿಕಾರಿಗಳು ನಿದ್ದೆ ಮಾಡುತ್ತಿದ್ದ ಶಿಕ್ಷಕನ ವಿರುದ್ಧ ಕ್ರಮ ಕೈಗೊಂಡಿದ್ದು, ಅಮಾನತು ಮಾಡಿದ್ದಾರೆ. ಈ ಘಟನೆಯಾದ ಬಳಿಕ ಫೋಟೊ ತೆಗೆದು ಶಿಕ್ಷಕನ ಅಮಾನತಿಗೆ ಕಾರಣವಾಗಿದ್ದ 10 ನೇ ತರಗತಿ ವಿದ್ಯಾರ್ಥಿಯನ್ನು ವಾಲಿಬಾಲ್ ಪೋಸ್ಟ್ ಗೆ ಕಟ್ಟಿ ಥಳಿಸಲಾಗಿದೆ.
ನಿದ್ದೆ ಮಾಡುತಿದ್ದ ಶಿಕ್ಷಕನ ಫೋಟೊ ತೆಗೆದು ಕಳಿಸಿದ್ದರಿಂದ ವಿದ್ಯಾರ್ಥಿ ವಿರುದ್ಧ ಇತರ ಶಿಕ್ಷಕರೂ ಅಸಮಾಧಾನಗೊಂಡಿದ್ದು, ಪೊಲೀಸರನ್ನು ಕರೆಸಿ ಥಳಿಸಿದ್ದಾರೆ ಎಂದು ತಿಳಿದುಬಂದಿದೆ.
